साहस उर्जाको लाभांश घोषणा, बोनसपछि शतप्रतिशत हकप्रद जारी गर्ने निर्णय

काठमाडौं । साहस उर्जा कम्पनी लिमिटेड (SAHAS) ले आर्थिक वर्ष २०८०/८१ को मुनाफाबाट शेयरधनीहरूलाई वितरण गर्ने लाभांश घोषणा गरेको छ ।

कात्तिक २४ गते बसेको कम्पनीको सञ्चालक समितिको बैठकले हाल कायम चुक्ता पूँजीको २१ प्रतिशतका दरले बोनस शेयर वितरण गर्ने निर्णय गरेको हो । साथै, सो बोनसमा लाग्ने कर प्रयोजनका लागि १.१०५३ प्रतिशत नगद लाभांश पनि वितरण गर्ने निर्णय गरिएको कम्पनीले जनाएको छ ।

घोषित लाभांश आगामी वार्षिक साधारण सभाबाट अनुमोदन भएपछि वितरण गरिनेछ ।

त्यसैगरी, कम्पनीले गत वर्षको वार्षिक साधारण सभाले पारित गरेको “१ बराबर १ हकप्रद शेयर” जारी गर्ने निर्णयलाई संशोधन गरी, अब बोनस वितरणपछि कायम हुने चुक्ता पूँजीको शतप्रतिशत (१:१ अनुपातमा) हकप्रद शेयर जारी गर्ने निर्णय पनि गरेको छ ।

कम्पनीका अनुसार यस निर्णयले पूँजी संरचना सुदृढ हुने र आगामी परियोजनाहरूको वित्तीय व्यवस्थापनमा सहयोग पुग्ने अपेक्षा गरिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन