साना किसान विकास लघुवित्तको १५% लाभांश घोषणा, बोनस शेयर पछि चुक्ता पूँजी ४ अर्ब ९५ करोड

काठमाडौं, कात्तिक २६ – साना किसान विकास लघुवित्त वित्तीय संस्था लिमिटेड (SKBBL) ले आर्थिक वर्ष २०८१/८२ का लागि कुल १५% लाभांश वितरण गर्ने प्रस्ताव गरेको छ।

संस्थाको ७३औँ सञ्चालक समिति बैठकले कात्तिक २६ गते बसेर सो लाभांश प्रस्ताव गर्ने निर्णय गरेको हो। संस्थाले रु. ४ अर्ब ३१ करोड चुक्ता पुँजीमा आधारित रही १४.२५% बोनस सेयर र कर प्रयोजनका लागि ०.७५% नगद लाभांश वितरण गर्ने प्रस्ताव गरेको छ।

हाल संस्थाको चुक्ता पूँजी ४ अर्ब ३१ करोड रहेको छ। प्रस्तावित लाभांश पछि संस्थाको चुक्ता पूँजी ४ अर्ब ९५ करोड पुग्नेछ।

यसअनुसार, १४.२५% बोनस सेयरको मूल्य रु. ६१.४५ करोड र ०.७५% नगद लाभांशको मूल्य रु. ३.२३ करोड गरी जम्मा रु. ६४.६८ करोड बराबरको लाभांश वितरण गर्ने योजना रहेको संस्थाले जनाएको छ।

उक्त प्रस्तावित लाभांश नेपाल राष्ट्र बैंकको स्वीकृति र संस्थाको आगामी वार्षिक साधारणसभाको अनुमोदनपछि मात्र वितरण गरिनेछ।

हालको विवरणअनुसार, साना किसान विकास लघुवित्त (SKBBL) को अन्तिम कारोबार मूल्य (LTP) रु. ८५४.०० रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?