फोनपेको छैठौँ वार्षिक साधारणसभा सम्पन्न, आइपिओ र १९ % लाभांशको प्रस्ताव पारित

काठमाडौं। फोनपे पेमेट सर्भिस लिमिटेडले आफ्नो छैठौँ वार्षिक साधारणसभा (एजीएम) काठमाडौंको नक्सालस्थित म्यारियट होटलमा सम्पन्न गरेको छ। कम्पनीका अध्यक्ष शशिन जोशीको अध्यक्षतामा सम्पन्न उक्त साधारणसभाले आर्थिक वर्ष २०८१/८२ को लेखापरीक्षण प्रतिवेदन तथा वित्तीय विवरण सर्वसम्मत रूपमा अनुमोदन गरेको छ।

सभाले सो आर्थिक वर्षका लागि शेयरधनीहरूलाई १९ प्रतिशत नगद लाभांश वितरण गर्ने निर्णय समेत गरेको कम्पनीले जानकारी दिएको छ।

त्यसैगरी, शशिन जोशीलाई पुनः स्वतन्त्र सञ्चालकका रूपमा पुनर्नियुक्त गरिएको छ भने आगामी आर्थिक वर्ष २०८२/८३ का लागि एन.बी.एस.एम. एन्ड एसोसिएट्सलाई लेखापरीक्षकको रूपमा पुनर्नियुक्त गरिएको छ।

सभाले कम्पनीको प्रवन्धपत्र र नियमावली (Memorandum and Articles of Association) संशोधन गर्न विशेष प्रस्ताव पारित गरेको छ। साथै, कम्पनीले साधारण जनताका लागि शेयर (आइपिओ) जारी गर्ने निर्णयलाई समेत अनुमोदन गरेको छ।

फोनपे पेमेट सर्भिस लिमिटेड नेपालकै प्रमुख भुक्तानी सेवा प्रदायक कम्पनीमध्ये एक हो, जसले देशभरका वित्तीय संस्थाहरू र व्यवसायिक साझेदारहरूलाई डिजिटल भुक्तानी समाधान उपलब्ध गराउँदै आएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन