![$adHeader[0]['title']](https://bfisnews.com/images/bigyapan/1759825227_1100x100.gif)
काठमाडौँ: व्यक्तिगत घटना विवरण सच्याउने नियमावलीमा संशोधन
- BFIS News
- 2025 Nov 12 15:53
काठमाडौँ, कात्तिक २६ सरकारले व्यक्तिगत घटना दर्ता नियमावली, २०७७ संशोधन गर्ने निर्णय गरेको छ। सोमबार बसेको मन्त्रिपरिषद्को बैठकले राष्ट्रिय परिचयपत्र तथा पञ्जीकरण (दोस्रो संशोधन) नियमावली, २०८२ स्वीकृत गरेको हो।
यस संशोधनसँगै नागरिकहरूले नाम, जन्ममिति, विवाह दर्ता लगायत व्यक्तिगत घटनाका विवरण एकपटक सच्याउन पाउने व्यवस्था खुल्ला भएको छ। यसअघि व्यक्तिगत विवरण सच्याउने कानुन भए पनि प्रष्टता नहुँदा प्रक्रिया जटिल थियो।
प्रधानमन्त्री सुशीला कार्कीका अनुसार, यस संशोधनले व्यक्तिगत विवरण सच्याउने प्रक्रियालाई स्पष्ट बनाउनेछ। पहिले जन्म दर्ता अनिवार्य नहुँदा र एसएलसी फारम भर्ने क्रममा उमेर १६ वर्ष लेखिने प्रचलनका कारण जन्ममिति र नागरिकतामा असमानता देखिन्थ्यो। धेरैले जन्मको नामसँग आत्मीयता नभएको वा विविध कारणले नाम परिवर्तनको आवश्यकता महसुस गरेका थिए।
संशोधनमा पाँच प्रकारका व्यक्तिगत घटनाका विवरण सच्याउन सकिने प्रावधान राखिएको छ: जन्म, विवाह, सम्बन्धविच्छेद, मृत्यु, र बसाइँसराइ।
प्रधानमन्त्री कार्कीले फरक विवरणका कारण विदेश अध्ययन, रोजगारी, र अन्य प्रक्रियामा समस्या भएको उल्लेख गर्दै, करिब ५० हजारभन्दा बढी विद्यार्थीले जन्ममिति सच्याउन नपाएकाले एसएलसी फारम भर्न नपाएको बताए।
यसअघि राष्ट्रिय परिचयपत्र तथा व्यक्तिगत घटना दर्ता ऐन, २०७६ को दफा २५ अनुसार व्यक्तिहरूले दर्ता भएको मितिबाट एक वर्षभित्र मात्र विवरण सच्याउन पाउने व्यवस्था थियो। यस कारण धेरै वास्तविक गल्ती सुधार्न असम्भव हुन्थ्यो।
वडा कार्यालयहरूले अब व्यक्तिगत घटना दर्ता र विवरण सच्याउने काम सम्हाल्नेछन्।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpeg)
प्रतिक्रिया