नेपाल एयरलाइन्सले अब डाइभर्ट फ्लाइट भैरहवामा अवतरण गराउने

काठमाडौँ, मङ्सिर १ गते । नेपाल वायुसेवा निगम (नेपाल एयरलाइन्स) ले अबदेखि आफ्नो जहाज डाइभर्ट हुनुपर्ने अवस्थाहरूमा भारतका विमानस्थलको सट्टा गौतमबुद्ध अन्तर्राष्ट्रिय विमानस्थल, भैरहवालाई वैकल्पिक (अल्टरनेटिव) विमानस्थलका रूपमा प्रयोग गर्ने निर्णय गरेको छ

निगमका अनुसार, नयाँ व्यवस्था मङ्सिर ३ गतेदेखि लागू हुने छ  हालसम्म त्रिभुवन अन्तर्राष्ट्रिय विमानस्थल (टीआईए)मा मौसम, भीडभाड वा अन्य कारणले अवतरण असम्भव हुँदा जहाज भारततर्फ डाइभर्ट हुँदै आएको थियो। तर अब भैरहवा प्रयोग गर्न थालेपछि उल्लेखनीय खर्च बचत, उडान समयमा कमी तथा सञ्चालनमा थप सहजता हुने विश्वास निगमले व्यक्त गरेको छ।

निगमका प्रवक्ता अनिल घिमिरेका अनुसार, भैरहवाका अतिरिक्त पोखरा अन्तर्राष्ट्रिय विमानस्थललाई समेत सम्भावित वैकल्पिक विमानस्थलका रूपमा अध्ययन गर्ने प्रक्रिया सुरु गरिएको छ।

निगमले उडान सुरक्षालाई उच्च प्राथमिकता दिँदै आवश्यक प्राविधिक मूल्यांकन र आन्तरिक तयारी छिट्टै अघि बढाइने जनाएको छ। निगमका अनुसार, वैकल्पिक विमानस्थल विस्तारको यो कदमले नियमित उडानको विश्वसनीयता वृद्धि गर्नका साथै आपतकालीन स्थितिको प्रभावकारी व्यवस्थापनमा महत्वपूर्ण भूमिका खेल्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन