रौतहटमा २५ वर्षीया महिलाको हत्या, घरकै भुसको खाडलमा गाडिएको अवस्थामा शव फेला

रौतहट, मङ्सिर १०  गते ।  रौतहटको वृन्दावन नगरपालिका–९, भुसाहामा एक २५ वर्षीया महिलाको हत्या गरी गाडिएको अवस्थामा शव फेला परेको छ। भुसाहाका शेख आदिलकी श्रीमती तरीमा खातुनको शव सोमबार राति हत्या गरिएको अनुमानसहित घरमै भुस राख्ने स्थानमा खाडल खनी गाडिएको अवस्थामा भेटिएको हो।

मङ्गलबार बिहान घटनाको सूचना पाएपछि इलाका प्रहरी कार्यालय गरुडा र जिल्ला प्रहरी कार्यालय रौतहटको संयुक्त टोली घटनास्थल पुगेको थियो। प्रहरीले खातुनको दाहिने खुट्टामा गहिरो चोट र टाउकोमा धारिलो हतियार प्रहार गरी हत्या गरिएको आशंका गरेको छ। घटनास्थलबाट एक चक्कु बरामद गरिएको छ।

जिल्ला प्रहरी कार्यालयका अनुसार खातुनका श्रीमान् शेख आदिल वैदेशिक रोजगारीका लागि साउदी अरबमा छन्। घटनापछि खातुनका ससुरा शेख अलि मोहम्मदसहित घरका सबै सदस्य डेढ वर्षीय बालक मोहम्मद आरिफलाई लिएर फरार भएको प्रहरीले जनाएको छ।

हत्या गरिएकी खातुनको शव पोस्टमार्टमका लागि चन्द्रनिगाहपुर अस्पतालमा राखिएको छ। फरार परिवारजनको खोजी तीव्र पारिएको र घटनाबारे थप अनुसन्धान भइरहेको प्रहरीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन