निर्जीवन बीमा व्यवसाय चार महिनामा साढे १२ प्रतिशतले बढ्यो, सगरमाथा लुम्बिनी शीर्षस्थानमा

BFIS News
2025 Dec 01 22:10

निर्जीवन बीमा व्यवसाय चार महिनामा साढे १२ प्रतिशतले बढ्यो, सगरमाथा लुम्बिनी शीर्षस्थानमा

काठमाडौँ । चालु आर्थिक वर्ष २०८२/०८३ को पहिलो चार महिना (कात्तिक मसान्तसम्म) मा निर्जीवन बीमा कम्पनीहरूको व्यवसाय उल्लेखनीय रूपमा बढेको छ। नेपाल बीमा प्राधिकरणले सार्वजनिक गरेको तथ्यांक अनुसार १४ निर्जीवन बीमा कम्पनीहरूको कुल बीमाशुल्क आर्जन १२.४२ प्रतिशतले बढेर १५ अर्ब ८४ करोड ८२ लाख रुपैयाँ पुगेको छ। गत आर्थिक वर्षको सोही अवधिमा यो रकम १४ अर्ब ९ करोड ७२ लाख रुपैयाँ थियो।

यस अवधिमा सगरमाथा लुम्बिनी इन्स्योरेन्स सबैभन्दा धेरै बीमाशुल्क आर्जन गर्ने कम्पनी बन्यो। कम्पनीको व्यवसाय ०.३८ प्रतिशतले बढेर १ अर्ब ७८ करोड ३६ लाख रुपैयाँ पुगेको छ।

दोस्रो स्थानमा शिखर इन्स्योरेन्स रह्यो। चार महिनामा यसको व्यवसाय २३.२८ प्रतिशतले बढेर १ अर्ब ७३ करोड ८६ लाख रुपैयाँ पुगेको छ।

तेस्रो स्थानमा हिमालयन एभरेष्ट इन्स्योरेन्स रहेको छ। यसको व्यवसाय सर्वाधिक दरमा बढ्दै ३९.६६ प्रतिशतले उक्लेर १ अर्ब ६० करोड रुपैयाँ पुगेको छ। अन्य कम्पनीहरूको अवस्थाः

एनएलजी इन्स्योरेन्स — ३४.१ प्रतिशत वृद्धि, १ अर्ब २६ करोड
सिद्धार्थ प्रिमियर इन्स्योरेन्स — ५.८२ प्रतिशत वृद्धि, १ अर्ब ५४ करोड
आइजीआई प्रुडेन्सियल — १२.२२ प्रतिशत वृद्धि, १ अर्ब २७ करोड
नेको इन्स्योरेन्स — ०.३९ प्रतिशत कमी, १ अर्ब १४ करोड
युनाइटेड अजोड — २७.८० प्रतिशत वृद्धि, १ अर्ब ७ करोड
सानिमा जिआईसी — ३० प्रतिशत वृद्धि, १ अर्ब २ करोड

त्यस्तै,

द ओरियन्टल — ९२ करोड
नेपाल इन्स्योरेन्स — ८६ करोड
प्रभु इन्स्योरेन्स — ६५ करोड
नेशनल इन्स्योरेन्स — ५० करोड
राष्ट्रिय बीमा कम्पनी — ४३ करोड

नेपाल बीमा प्राधिकरणका अनुसार निर्जीवन बीमा व्यवसायले चार महिनामै १५ अर्ब ८४ करोड रुपैयाँ बराबरको बीमाशुल्क आर्जन गर्नु क्षेत्रका लागि सकारात्मक संकेत मानिएको छ। कुल कारोबारका आधारमा सगरमाथा लुम्बिनी, शिखर र हिमालयन एभरेष्ट क्रमशः पहिलो, दोस्रो र तेस्रो स्थानमा रहेका छन्।