काभ्रे–२ बाट रास्वपाका बदनकुमार भण्डारी फराकिलो मतान्तरले विजयी

बनेपा, फागुन २३ गते । काभ्रेपलाञ्चोकको प्रतिनिधिसभा निर्वाचन क्षेत्र नम्बर–२ बाट राष्ट्रिय स्वतन्त्र पार्टी (रास्वपा) का उम्मेदवार बदनकुमार भण्डारी फराकिलो मतान्तरले विजयी हुनुभएको छ।

अन्तिम मतपरिणामअनुसार भण्डारीले ५३ हजार ३४४ मत प्राप्त गर्दै नेपाली कांग्रेसका मधुप्रसाद आचार्यलाई ३५ हजार ४७६ मतान्तरले पराजित गर्नुभएको हो। आचार्यले १७ हजार ८६८ मत प्राप्त गर्नुभएको छ भने नेकपा (एमाले) का अशोककुमार ब्यान्जु श्रेष्ठले १३ हजार ९४० मत ल्याउनुभएको छ।

त्यस्तै नेपाली कम्युनिस्ट पार्टीकी बसुन्धरा हुमागाईंले आठ हजार १०७ मत प्राप्त गर्नुभएको छ। उज्यालो नेपाल पार्टीकी ज्योत्सना सैजुले तीन हजार ७४९ र राष्ट्रिय प्रजातन्त्र पार्टीका रन्जिव श्रेष्ठले एक हजार १२५ मत प्राप्त गर्नुभएको छ।

जिल्लामा प्रतिनिधिसभा क्षेत्र नम्बर–१ मा ५६.५७ प्रतिशत अर्थात् ९१ हजार १२८ मत र क्षेत्र नम्बर–२ मा ६४.१७ प्रतिशत अर्थात् एक लाख ६ हजार २१३ मत खसेको थियो। काभ्रेमा कुल ६०.४२ प्रतिशत अर्थात् एक लाख ९७ हजार ३४१ मत खसेको निर्वाचन कार्यालयले जनाएको छ। क्षेत्र नम्बर–२ मा १६ राजनीतिक दल र आठ स्वतन्त्र गरी २४ जना उम्मेदवार चुनावी प्रतिस्पर्धामा सहभागी भएका थिए।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन