नेशनल बैंकिंग इन्स्टिच्युटद्धारा धनगढिमा कर्जा लगानी सम्बन्धी सेमिनार सम्पन्न

काठमाडौं । नेशनल बैंकिंग इन्स्टिच्युटले धनगढिमा बिद्यमान कर्जा लगानीको अवस्था, सम्भावना र चुनौतीका बारेमा समेमिनार सम्पन्न गरेको छ । यहि असोज १३ गते एनबिआइले “Navigating the Credit Landscape”  विषयक एक दिने सेमिनार आयोजना गरेको थियो । 

सेमिनारमा सुदुर पश्चिम प्रदेश स्थित बैंक तथा वित्तिय संस्थाका ६५ जना भन्दा बढी पदाधिकारीहरुको सहभागिता रहेको थियो ।  उक्त कार्यक्रममा नेपाल राष्ट्र बैंकका बरिष्ठ अधिकारीका साथै बरिष्ठ बैंकिंग विज्ञहरु परशुराम कुँवर क्षेत्री तथा अजय श्रेष्ठले कार्यपत्र प्रस्तुत गरेका थिए । 

उक्त सेमिनारले मुलुकमा कर्जा लगानीको अवस्थाका बारेमा सम्बन्धित क्षेत्रका विज्ञहरु र सरोकारवालाहरुलाई एकै ठाउँमा भेला भई छलफल गर्ने अवसर प्रदान गरेको थियो । उक्त सेमिनारमा विशेष गरि कर्जा लगानीका लागि बैंकिंग तथा वित्तिय क्षेत्रले  सामना गरेका चुनौतिहरु, कर्जा लगानीका अवसरहरु र कर्जा परिचालनका लागि प्रभावकारी वातावरण तयार गर्ने रणनीतिका बारेमा छलफल भएको थियो ।

उक्त कार्यक्रममा परशुराम कुँवर क्षेत्रीले साना तथा मझौला व्यवसाय क्षेत्रमा रहेका अवसर र जोखिमका बारेमा कार्यपत्र प्रस्तुत गरेका थिए भने अर्का वक्ता अजय श्रेष्ठले खुद्रा व्यवसायमा कर्जा लगानी गर्दा आइपर्ने चुनौतीहरुका बारेमा प्रस्तुति दिएका थिए । 

यसै गरि नेपाल राष्ट्र बैंकका बरिष्ठ अधिकारीले बैंकहरुको कर्जाको गुणस्तरका बारेमा चर्चा गर्दै बैंकहरुले सुधार गर्नुपर्ने क्षेत्रका बारेमा जोड दिए । उक्त अवसरमा एभरेस्ट बैंक, ग्लोबल आईएमई बैंक र एनएमबि बैंक का प्रदेश प्रमुखहरु क्रमशः सतिश प्रताप सिंह, पुकार सुवेदी र श्याम अधिकारी सम्मिलित तथा परशुराम कुँवर क्षेत्रीद्वारा संचालित सामुहिक छलफल कार्यक्रमको पनि आयोजना पनि गरिएको थियो ।  

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?