गुल्मी–१ बाट रास्वपाका सागर ढकाल, नेपाली कांग्रेसबाट चन्द्र भण्डारी र एमालेबाट प्रदिप ज्ञवाली लड्दै

काठमाडौं। राष्ट्रिय स्वतन्त्र पार्टी (रास्वपा) बाट गुल्मी निर्वाचन क्षेत्र नम्बर १ मा सागर ढकाल प्रतिनिधि सभा सदस्यका लागि चुनाव लड्ने भएका छन्। ढकालले आफू गुल्मी–१ बाट उम्मेदवारी दिने जानकारी दिएका हुन्।

गुल्मी–१ मा यसअघि नै प्रमुख दलका उम्मेदवारहरू सार्वजनिक भइसकेका छन्। नेकपा (एमाले) बाट प्रदीप ज्ञवाली र नेपाली कांग्रेसबाट चन्द्रकान्त भण्डारी उम्मेदवार बनेका छन्। यससँगै गुल्मी–१ मा त्रिपक्षीय प्रतिस्पर्धा हुने संकेत देखिएको छ।

ढकाल यसअघि सम्पन्न प्रतिनिधि सभा निर्वाचनमा डडेलधुराबाट नेपाली कांग्रेस सभापति शेरबहादुर देउवासँग प्रतिस्पर्धामा उत्रिएका थिए। यद्यपि, उक्त निर्वाचनमा उनी पराजित भएका थिए।

गत निर्वाचनमा गुल्मी–१ बाट नेपाली कांग्रेसका नेता चन्द्रकान्त भण्डारी विजयी भएका थिए। भण्डारी प्रतिनिधि सभा निर्वाचन २०७९ मा गुल्मी–१ बाट निर्वाचित हुँदै ३३ हजार ७४४ मत प्राप्त गर्न सफल भएका थिए। उनी नेपाली कांग्रेसका प्रभावशाली नेता तथा अनुभवी राजनीतिज्ञ मानिन्छन्।

यता, एमालेका उम्मेदवार प्रदीपकुमार ज्ञवाली नेपाली वाम राजनीतिका स्थापित नेता हुन्। उनी यसअघि नेकपा एमालेका तर्फबाट गुल्मी जिल्ला निर्वाचन क्षेत्र नम्बर २ बाट संघीय संसद सदस्यमा निर्वाचित भएका थिए। ज्ञवाली हाल नेकपाको केन्द्रीय सदस्यसमेत रहेका छन्।

रास्वपाबाट सागर ढकालको उम्मेदवारी घोषणासँगै गुल्मी–१ को चुनावी माहोल थप रोचक बन्ने देखिएको छ। अबको निर्वाचनमा मतदाताले अनुभवी र नयाँ राजनीतिक धारबीच कसलाई रोज्छन् भन्ने विषय चासोको केन्द्र बनेको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

७० औं अन्तर्राष्ट्रिय भन्सार दिबसमा के एल दुगड समुहका श्याम सुन्दर कनोडिया सम्मानित

राजश्व राष्ट्रको रगत पसिना भएकोले बगेर गएको टुलुटुलु हेरेर बस्न सकिदैन : अर्थमन्त्री शर्मा