नेपाल पुनर्बीमा कम्पनीका अध्यक्ष लम्सालद्वारा पद तथा गोपनीयताको शपथ ग्रहण

काठमाडौं। नेपाल बीमा प्राधिकरणका अध्यक्ष चन्द्रकला पौडेलले नेपाल पुनर्बीमा कम्पनी लिमिटेडको सञ्चालक समितिका नवनियुक्त अध्यक्ष अमृत लम्साललाई आज पद तथा गोपनीयताको शपथ गराएकी छिन्। कुपण्डोलस्थित प्राधिकरणको केन्द्रीय कार्यालयमा आयोजित एक समारोहबीच अध्यक्ष पौडेलले लम्साललाई शपथ गराएकी हुन्।

नेपाल सरकारले भन्सार विभागका उपमहानिर्देशक रहनुभएका लम्साललाई अर्को व्यवस्था नभएसम्मका लागि नेपाल पुनर्बीमा कम्पनी लिमिटेडको सञ्चालक समितिको अध्यक्ष पदमा नियुक्त गरेको हो।

शपथग्रहण कार्यक्रममा नेपाल बीमा प्राधिकरणका कार्यकारी निर्देशक सुशील देव सुवेदी, नेपाल पुनर्बीमा कम्पनी लिमिटेडका प्रमुख कार्यकारी अधिकृत लगायत अन्य पदाधिकारीहरूको उपस्थिति रहेको थियो।

नवनियुक्त अध्यक्ष लम्सालले आफ्नो कार्यकालमा पुनर्बीमा क्षेत्रको सुदृढीकरण, संस्थागत सुशासन र बीमा क्षेत्रको विकासमा जोड दिने प्रतिबद्धता व्यक्त गरेका छन्। 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना