ओलीको रिहाइको माग गर्दै एमाले ताप्लेजुङद्वारा ज्ञापनपत्र पेश

ताप्लेजुङ, चैत १५ गते — नेपाल कम्युनिस्ट पार्टी (एमाले) ताप्लेजुङले पार्टी अध्यक्ष केपी शर्मा ओली लगायत गिरफ्तार नेताहरूको तत्काल रिहाइको माग गरेको छ। आइतबार जिल्ला प्रशासन कार्यालय ताप्लेजुङमार्फत सरकारलाई ज्ञापनपत्र बुझाउँदै यस्तो माग गरिएको हो।

एमाले ताप्लेजुङका कार्यबाहक अध्यक्ष दीपेन्द्र पोमु (दीपेन) को नेतृत्वमा गएको टोलीले प्रमुख जिल्ला अधिकारी शिवराज सेढाइँलाई ज्ञापनपत्र बुझाएको हो। ज्ञापनपत्रमार्फत ओलीसहित पक्राउ परेका सबै नेताहरूको रिहाइको माग गरिएको एमाले जिल्ला कमिटी सचिव सन्तोष चाम्लिङले जानकारी दिएका छन्।

ज्ञापनपत्रमा सरकारमाथि कार्की आयोगको प्रतिशोधात्मक प्रतिवेदनका आधारमा ओली र पूर्वगृहमन्त्री रमेश लेखकलाई पक्राउ गरी देशलाई द्वन्द्वतर्फ धकेल्ने प्रयास गरेको आरोप लगाइएको छ। एमाले ताप्लेजुङले उक्त प्रतिवेदनलाई ‘कथित आयोग’ को संज्ञा दिँदै त्यसकै आधारमा नेताहरूलाई पक्राउ गर्नु प्रतिशोधपूर्ण कदम भएको ठहर गरेको छ।

यस्तै, यस्तो कार्यलाई सिंगो कम्युनिस्ट तथा लोकतान्त्रिक आन्दोलनमाथिको प्रहारका रूपमा व्याख्या गर्दै एमालेले तत्काल पक्राउ परेका नेताहरूको रिहाइ गर्न र प्रतिशोधात्मक धरपकड बन्द गर्न सरकारसँग जोडदार माग गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन