सङ्घीयता र कानुनी सुधारमा तत्काल परिवर्तन आवश्यक: हर्कराज राई

काठमाडौँ, वैशाख ६ गते । हर्कराज राई ले सङ्घीयतासम्बन्धी सबै विषय प्रधानमन्त्रीलाई सोध्नुपर्ने अवस्थाको अन्त्य हुनुपर्ने बताउनुभएको छ ।

आइतबार ललितपुरमा आयोजित पार्टी कार्यक्रममा बोल्दै उहाँले सङ्घीयताको मर्मअनुसार काम नभएको भन्दै वर्तमान प्रणालीगत कमजोरी सुधार गर्न आवश्यक रहेको धारणा व्यक्त गर्नुभयो ।

उहाँले मुलुकमा विकास र निर्माणका काम अघि बढाउन कानुनमा तत्काल ठूलो परिवर्तन आवश्यक रहेको भन्दै सरकारलाई ढिलाइ नगर्न आग्रह गर्नुभयो । उहाँका अनुसार विकास निर्माणमा बाधा पुर्‍याउने विद्यमान कानुनी जटिलता तत्काल सुधार गर्नुपर्ने अवस्था छ ।

हर्कराज राई ले मन्त्रालयहरूबीचको समन्वय अभावका कारण विकास परियोजना प्रभावित भइरहेको उल्लेख गर्नुभयो । भौतिक पूर्वाधार मन्त्रालयले अघि बढाएका योजना वन मन्त्रालयले रोक्ने जस्ता विरोधाभासपूर्ण अवस्था रहेको भन्दै यसले काममा ढिलाइ गरिरहेको उहाँको भनाइ थियो ।

उहाँले भन्नुभयो, “सङ्घीयताको मर्मअनुसार सबै कुरा प्रधानमन्त्रीलाई सोध्नुपर्ने अवस्था हुनु हुँदैन। कानुनमा ठूलो फेरबदल नगरेसम्म काम गर्न सकिँदैन।”

उहाँले पानी आपूर्ति तथा सडक निर्माणजस्ता योजनामा मन्त्रालयबीचको असमझदारीका कारण विकास रोकिएको उदाहरण दिँदै प्रणाली सुधार आवश्यक रहेको बताउनुभयो ।

त्यसैगरी सरकारले श्रमदान गर्ने समुदायलाई आवश्यक स्रोत र साधन उपलब्ध गराउनुपर्नेमा पनि उहाँले जोड दिनुभयो । विकासलाई प्रभावकारी बनाउन नीति र कानुन दुवै तहमा सुधार अपरिहार्य रहेको उहाँको धारणा थियो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन