सिद्धार्थ क्यापिटलले बैशाख २१ गतेदेखि ‘सिद्धार्थ इक्विटी फण्ड २’ निष्कासन गर्ने

काठमाडौं । सिद्धार्थ क्यापिटलले ‘सिद्धार्थ इक्विटी फण्ड दुई’ नामक बन्दमुखी सामूहिक लगानी कोष (म्युचुअल फण्ड) निष्कासन गर्न प्रस्तावपत्र सार्वजनिक गरेको छ।

कम्पनीका अनुसार उक्त फण्डको इकाइ बिक्री वैशाख २१ गतेदेखि खुला हुनेछ र वैशाख २४ गतेसम्म आवेदन दिन सकिनेछ। प्रारम्भिक बन्द अवधिसम्म सबै इकाइ बिक्री नभएमा निष्कासन अवधि जेठ ४ गतेसम्म लम्ब्याउन सकिने व्यवस्था गरिएको छ।

यो योजनाअन्तर्गत कुल १० करोड इकाइ निष्कासन गरिनेछ। तीमध्ये १५ प्रतिशत अर्थात् १ करोड ५० लाख इकाइ, जसको कुल मूल्य १५ करोड रुपैयाँ बराबर हुन्छ, योजना व्यवस्थापक Siddhartha Bank Limited लाई छुट्याइएको छ। बाँकी ८ करोड ५० लाख इकाइ, जसको मूल्य ८५ करोड रुपैयाँ बराबर हुन्छ, सर्वसाधारण तथा संस्थागत लगानीकर्ताका लागि सार्वजनिक रूपमा जारी गरिनेछ।

‘सिद्धार्थ इक्विटी फण्ड २’ बन्दमुखी प्रकृतिको कोष भएकाले यसमा लगानी गर्नेहरूले न्यूनतम १०० इकाइदेखि अधिकतम १ करोड इकाइसम्म आवेदन दिन सक्नेछन्।

पूँजी बजारमा नयाँ लगानी अवसरको रूपमा आएको यस योजनाले लगानीकर्तालाई दीर्घकालीन प्रतिफलको सम्भावना प्रदान गर्ने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन