गरिमा विकास बैंकले त्रिवेणी, हिमालयन र धौलागिरी क्याम्पसमा सम्पन्न गर्यो वित्तीय साक्षरता कार्यक्रम

काठमाडौं । गरिमा विकास बैंकले पश्चिमका तीन क्याम्पसमा वित्तीय साक्षरता सम्बन्धी कार्यक्रम सम्पन्न गरेको छ । बैंकले वित्तीय जागरुकता सम्बन्धी जानकारी विद्यालय स्तरबाट नै सुरु हुनुपर्दछ भन्ने अभिप्रायका साथ कास्की, पर्वत र बागलुङ जिल्लाका क्याम्पसहरुमा बृहत् वित्तीय साक्षरता कार्यक्रम संचालन गरेको हो ।

पोखराको त्रिवेणी इन्टरनेशनल कलेज, कुस्माको हिमालय उच्च माध्यमिक विद्यालय र बागलुङको धौलागिरि बहुमुखी क्याम्पसका विद्यार्थी र शिक्षकहरु उक्त कार्यक्रमबाट लाभान्वित भएका छन् ।

कार्यक्रममा बैंकका प्रमुख कार्यकारी अधिकृत गोविन्द प्रसाद ढकालको उपस्थिति थियो । प्रमुख कार्यकारी अधिकृत ढकालले विद्यार्थीहरुसँग अन्तरक्रिया गर्दै सर्वप्रथम विद्यार्थीहरु आफैं वित्तीय साक्षरता बारे राम्रोसँग बुझ्नुपर्ने र आफ्ना अभिभावकहरुलाई पनि बुझाउनुपर्ने बताएका छन् । साथै, विद्यार्थीहरुमा नयाँ कुरा सिक्ने उत्सुकता हुने भएकोले वित्तीय चेतनाबारे खुलेर जिज्ञासा राख्न समेत अनुरोध गरेका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?