![$adHeader[0]['title']](https://bfisnews.com/images/bigyapan/1776181672_1100 x100.gif)
बनेपाका कन्स्ट्रक्सन प्रोप्राइटरविरुद्ध भ्रष्टाचार मुद्दा दायर
- BFIS News
- 2026 Apr 20 22:20
काठमाडौँ, वैशाख ७ गते । काभ्रेको बनेपा नगरपालिका–३ का हिमाल तराई कन्स्ट्रक्सन प्रालिका प्रोप्राइटर राजमान तामाङविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगका प्रवक्ता सुरेश न्यौपानेका अनुसार उनीविरुद्ध विशेष अदालतमा दायर गरिएको मुद्दामा चन्द्रबहादुर अधिकारीसमेत संलग्न रहेको घुस प्रकरणमा प्रतिकूल बकपत्र गरी भ्रष्टाचार गरेको आरोप लगाइएको छ ।
आयोगका अनुसार नेपाल बैंक लिमिटेडको सञ्चालक समितिका तत्कालीन अध्यक्ष अधिकारीले सेवाग्राही तामाङलाई बैंकबाट ऋण मिलाइदिन सहजीकरण गर्ने क्रममा घुसबापत पाँच लाख रुपैयाँ माग गरी लिन–दिन सहमति भएको पाइएको छ ।
सेवाग्राही तामाङबाट लिइएको उक्त रकम सम्बन्धित चेक अधिकारीको घरबाट बरामद भएको र सोही रकममार्फत अनियमित लाभ लिने प्रयास भएको पुष्टि भएको आयोगले जनाएको छ ।
भ्रष्टाचार निवारण ऐन, २०५९ को दफा ३ को उपदफा (३) अन्तर्गतको कसुरमा पाँच लाख रुपैयाँ बिगो कायम गरी कैद र जरिवाना सजायको मागसहित सोमबार विशेष अदालत काठमाडौँमा आरोपपत्र दायर गरिएको आयोगले जनाएको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया