टर्किस एयरको विमान अवतरणका क्रममा आगलागी, सबै यात्रु सुरक्षित

काठमाडौं । नेपाल नागरिक उड्डयन प्राधिकरण का अनुसार इस्तानबुलबाट काठमाडौं आएको Turkish Airlines को जहाज त्रिभुवन अन्तर्राष्ट्रिय विमानस्थलमा अवतरण गर्ने क्रममा चक्कामा आगलागी भएको छ।

सोमबार बिहान भएको उक्त घटनापछि विमानस्थल क्षेत्रमा केही समय त्रासको अवस्था सिर्जना भए पनि विमानमा रहेका सबै यात्रु सुरक्षित रहेको जनाइएको छ।

टीके–७२६ कलसाइनको उक्त विमान अवतरण गर्ने क्रममा चक्काबाट आगो निस्किएको विमानस्थल सुरक्षा कार्यालयले जनाएको छ। घटनापछि तत्काल दमकल परिचालन गरी आगो नियन्त्रणमा लिइएको थियो।

प्राधिकरणका अनुसार विमानमा रहेका चार बालबालिकासहित २७७ यात्रुलाई आपत्कालीन ढोका प्रयोग गरेर सुरक्षित रूपमा बाहिर निकालिएको थियो। उद्धारका क्रममा केही यात्रु सामान्य घाइते भएका छन्।

विमानमा यात्रुसँगै केही शव तथा सामानसमेत रहेको बताइएको छ। घटनाबारे थप अनुसन्धान भइरहेको विमानस्थल स्रोतले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन