बाढीका कारण ताप्लेजुङ–पाँचथरका जलविद्युत् आयोजना र कृषि क्षेत्रमा क्षति

ताप्लेजुङ । गएरातिको अविरल वर्षापछि आएको बाढीले ताप्लेजुङ र पाँचथर जिल्लाका विभिन्न जलविद्युत् आयोजना तथा स्थानीय पूर्वाधारमा क्षति पुर्‍याएको छ।

बाढीका कारण जलविद्युत् आयोजनाका संरचना, खानेपानी आयोजना र कृषियोग्य जमिन प्रभावित भएका छन्।

पाँचथर–ताप्लेजुङ सीमामा रहेको इंवाखोला जलविद्युत् आयोजनाको बाँध क्षेत्रको पर्खाल बाढीले क्षतिग्रस्त बनाएको जनाइएको छ। त्यसैगरी, याङवरक गाउँपालिका–२ स्थित मेवाखोलामा रहेको मेवाखोला जलविद्युत् आयोजनामा पनि बाढीले असर पुर्‍याएको छ। अरुण काबेली जलविद्युत् आयोजनामा समेत क्षति पुगेको जानकारी प्राप्त भएको छ।

बाढीका कारण याङवरक–४ सिगेवामा स्थानीयवासी लालबहादुर माबो, लक्ष्मण माबो, योगेन्द्र माबो र छविलाल पोखरेलको अलैँची खेती तथा कृषियोग्य जमिनमा समेत क्षति पुगेको छ।

प्रहरीका अनुसार बाढीपहिरोले टीकारामे, डल्लेढुङ्गा र सिगेवा खानेपानी योजना प्रभावित भएका छन्। साथै, वाराङ सिँचाइ योजना र मेची पहाडी खानेपानी आयोजनामा पनि क्षति पुगेको बताइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन