खेलकुद क्षेत्रका लागि ४ अर्ब ३ करोड बजेट विनियोजन

काठमाडौँ, जेठ १५ गते । सरकारले आगामी आर्थिक वर्ष २०८३/८४ मा खेलकुद क्षेत्रका लागि ४ अर्ब ३ करोड रुपैयाँ बजेट विनियोजन गरेको छ ।

डा. स्वर्णिम वाग्ले ले शुक्रबार सङ्घीय संसद्को संयुक्त बैठकमा वार्षिक बजेट प्रस्तुत गर्दै खेलकुद पूर्वाधार विकास तथा राष्ट्रिय प्रतियोगितालाई प्राथमिकतामा राखिएको जानकारी दिनुभयो ।

बजेटमा १०औँ राष्ट्रिय खेलकुद प्रतियोगिता को आयोजना कर्णाली प्रदेश मा गर्ने तथा त्यसपछि ११औँ राष्ट्रिय खेलकुद प्रतियोगिता आयोजना हुने मधेश प्रदेश मा पूर्वाधार विकासलाई प्राथमिकता दिइएको छ ।

यसैगरी मुलपानी क्रिकेट मैदान, गिरिजाप्रसाद क्रिकेट मैदान तथा फाप्ला क्रिकेट मैदान को निर्माण कार्यलाई निरन्तरता दिइने बजेटमा उल्लेख छ ।

देशभर आठ हजार दर्शक क्षमता भएका आठ वटा रंगशाला निर्माण गर्ने योजना समेत सरकारले अघि सारेको छ । साथै अन्तर्राष्ट्रिय पदक विजेता खेलाडीलाई आजीवन स्वास्थ्य बीमाको सुविधा उपलब्ध गराइने घोषणा गरिएको छ ।

यद्यपि, चालु आर्थिक वर्षको तुलनामा खेलकुद बजेट घटेको छ । गत आर्थिक वर्ष खेलकुद क्षेत्रमा ६ अर्ब ८ करोड रुपैयाँ विनियोजन गरिएको थियो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन