सानिमा बैंकका सिइओ निश्चल राज पाण्डेको वार्षिक तलब सुविधा एक करोड १४ लाख, बोनस छुट्टै

काठमाडौं । सानिमा बैंकका प्रमुख कार्यकारी अधिकृत निश्चल राज पाण्डेको वार्षिक तलब भत्ता एक करोड १४ लाख रुपैयाँ रहेको छ । उनले यस बाहेक नियम अनुसार मुनाफाबाट बोनस प्राप्त गर्ने छन् ।

बैंकले पाण्डेलाई अल्पकालीन कर्मचारी लाभको रुपमा गत आर्थिक वर्ष २०७९/८० मा ९६ लाख रुपैयाँ पारिश्रमिक दिएको छ । त्यस्तै उनले चाडपर्व भत्ता र वार्षिक विदा बापत भुक्तानी ८ लाख रुपैयाँ प्राप्त गरेका छन् । उनको मासिक तलब नै ८ लाख रुपैयाँ मात्रै रहेको छ । जवकी यस भन्दा अगाडीका सिइओ भुवन दाहालको मासिक तलब भत्ता १४ लाख भन्दा धेरै थियो ।

पाण्डेले रोजगारी पछिको लाभ बापत १० लाख ५६ हजार रुपैयाँ पाउने छन् । उनलाई अन्य भत्ता उपलब्ध गराइएको छैन । जवकी यस भन्दा अघिल्लो वर्षमा प्रमुख कार्यकारी अधिकृतलाई २ करोड १४ लाख रुपैयाँ तलब भत्ता तथा पारिश्रमिक दिइएको थियो ।

माथि उल्लेखित बाहेक स्वीकृत सुविधा योजना अनुसार बैंकले इन्धन, स्वास्थ्य चिकित्सा सुविधा जस्ता गैर नगद लाभहरु समेत मुख्य व्यवस्थापक कर्मचारीहरुलाई प्रदान गर्ने गरेको छ । कर्मचारी बोनस प्रचलित कानुन बमोजिम प्रदान गर्ने गरिएको छ ।

बैंकका प्रमुख कार्यकारी अधिकृत पाण्डेले २०७८ माघ १२ गतेदेखि कार्यभार सम्हाल्दै आएका छन् । २०७० सालदेखि सानिमा बैंकमा कार्यरत पाण्डे असोज २०७८ देखि सानिमा बैंककै नायव प्रमुख कार्यकारी अधिकृतको रुपमा जिम्मेवारी सम्हाल्दै आएका थिए । बैंकिङ क्षेत्रमा २७ वर्ष लामो अनुभव सम्हालेका पाण्डे यसअघि नविल बैंकमा १८ वर्ष काम गरिसकेका छन् ।

कर्जाको विषयमा राम्रो विज्ञता राख्ने उनी बैंकको प्रमुख जोखिम अधिकृत र प्रमुख कर्जा अधिकृतको रुपमा जिम्मेवारी सम्हाल्दै सिइओ बन्न सफल भए ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?