सिटिजन र एभरेष्ट बैंकले शेयरधनीको खातामा हालिदिए दशै खर्च

काठमाडौं । सिटिजन बैंक र एभरेष्ट बैंकले दशैको मुखैमा शेयरधनीको खातामा बोनस रकम हालिदिएका छन् । वाणिज्य बैंकहरुमध्ये सबैभन्दा पहिला सिटिजन्स बैंकले गत असोज २६ गते साधारणसभा गरी शेयरधनीलाई चुक्ता पूँजीको ५.७९ प्रतिशतका दरले नगद लाभांश वितरण गर्ने प्रस्ताव पारित गरेको थियो । सिटिजन्स बैंकले मंगलबार शेयरधनीको खातामा लाभांश पठाइसकेको छ ।

यसैगरी एभरेष्ट बैंकले १० प्रतिशत बोनस शेयर र १०.५३ प्रतिशत नगद गरी कुल २०.५३ प्रतिशत लाभांश वितरण गर्ने घोषणा गरेको थियो । एभरेष्ट बैंकले बुधबार शेयरधनीको खातामा नगद लाभांश पठाएको हो । ती दुई बाहेक अन्य केही बैंकले साधारणसभाबाट लाभांश पारित गराइसकेका भए पनि शेयरधनीको खातामा भने लाभांश पठाएका छैनन् । अरु बैंक पनि दशै अगाडी नै नगद लाभांश खातामा जम्मा गरिदिने अन्तिम तयारीमा छन् । 

बोनस शेयर भने खातामा आउन अझै धेरै समय लाग्नेछ । कम्पनी रजिष्ट्रारको कार्यालयलदेखि सिडिएससी नेप्सेमा सूचिकृत भए पछि मात्रै शेयरधनीले खरिद बिक्री गर्न पाउछन् ।  

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?