![$adHeader[0]['title']](https://bfisnews.com/images/bigyapan/1774272772_1769061114-ss-nimb.gif)
फर्स्ट माइक्रोफाइनान्सको नाफा ७३.६३ प्रतिशतले बढ्यो, चौथो त्रैमासमा १९.०७ करोड रुपैयाँ खुद नाफा
- BFIS News
- 2026 Jul 19 17:42
काठमाडौं। फर्स्ट माइक्रोफाइनान्स लघुवित्त वित्तीय संस्था लिमिटेड (एफएमडीबीएल)ले आर्थिक वर्ष २०८२/८३ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ। सार्वजनिक विवरणअनुसार संस्थाले समीक्षा अवधिमा १९ करोड ७ लाख रुपैयाँ खुद नाफा आर्जन गर्दै अघिल्लो आर्थिक वर्षको सोही अवधिको तुलनामा ७३.६३ प्रतिशतको उल्लेखनीय वृद्धि हासिल गरेको छ।
गत आर्थिक वर्षको सोही अवधिमा संस्थाको खुद नाफा १० करोड ९८ लाख रुपैयाँ रहेको थियो। यस अवधिमा संस्थाको सञ्चालन नाफा पनि ७३.०५ प्रतिशतले बढेर २७ करोड २७ लाख रुपैयाँ पुगेको छ।
संस्थाको खुद ब्याज आम्दानी ७.४७ प्रतिशतले वृद्धि भई २२ करोड ७४ लाख रुपैयाँ पुगेको छ। अघिल्लो वर्षको सोही अवधिमा यस्तो आम्दानी २१ करोड १६ लाख रुपैयाँ रहेको थियो।
समीक्षा अवधिमा संस्थाको कर्जा तथा सापटी २३.०९ प्रतिशतले घटेर ४ अर्ब ६५ करोड रुपैयाँमा सीमित भएको छ। त्यस्तै, सापटी (Borrowings) पनि २३.४१ प्रतिशतले घटेर ३ अर्ब ७६ करोड रुपैयाँमा झरेको छ।
संस्थाको चुक्ता पुँजी १ अर्ब ३४ करोड रुपैयाँ कायम रहेको छ भने जगेडा कोष १३.३५ प्रतिशतले बढेर ३४ करोड ८४ लाख रुपैयाँ पुगेको छ। यसैगरी, सञ्चित मुनाफा ६८.९४ प्रतिशतले वृद्धि भई १५ करोड २६ लाख रुपैयाँ पुगेको वित्तीय विवरणमा उल्लेख छ।
यद्यपि, कर्मचारी खर्च भने २०.१५ प्रतिशतले बढेर ५ करोड ९९ लाख रुपैयाँ पुगेको छ। समीक्षा अवधिमा संस्थाले कर्जा तथा सापटीतर्फ ११ करोड ८६ लाख रुपैयाँको रिभर्सल (Reversal) गरेको पनि विवरणमा उल्लेख गरिएको छ।
प्रति सेयर आम्दानी (ईपीएस) उल्लेखनीय रूपमा सुधार हुँदै १४ रुपैयाँ १८ पैसा पुगेको छ, जुन अघिल्लो आर्थिक वर्षको सोही अवधिमा ८ रुपैयाँ १७ पैसा रहेको थियो। प्रति सेयर नेटवर्थ १३७ रुपैयाँ २६ पैसा कायम रहेको छ।
समीक्षा अवधिको अन्त्यसम्म प्रतिकित्ता ८६० रुपैयाँ बजार मूल्यका आधारमा संस्थाको मूल्य–आम्दानी अनुपात (पी/ई रेसियो) ६०.६४ गुणा रहेको वित्तीय विवरणमा जनाइएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया