![$adHeader[0]['title']](https://bfisnews.com/images/bigyapan/1726498142_960x100.gif)
हिमालयन बैंकको शेयर विवाद अदालतमा, सर्वसाधारण समुह तर्फ ३० प्रतिशत पुर्याएर मात्रै साधारणभा गर्नु पर्ने
- BFIS News
- 2023 Oct Mon 12:02
काठमाडौँ । हिमालयन बैंकको विवाद फेरी अदालतमा पुगेको छ । बैंकको सर्वसाधारण शेयरधनीको अनुपात राष्ट्र बैंकको नियम अनुसार ३० प्रतिशत पुर्याएर मात्र साधारण सभा गर्न भन्दै उच्च अदालत पाटनमा मुद्धा परेको हो ।
हिमालयन बैंकको कुल शेयर पुँजीमा सर्वसाधारण शेयरधनीको अनुपात हाल २७ प्रतिशत मात्रै छ । बैंक तथा वित्तिय संस्था सम्वन्धि ऐन २०७३ को दफा ९(१) र ९(४) बमोजिम सर्वसाधारण शेयरधनीको कुल जारी पुँजीको कम्तीमा तीस प्रतिशत हुने गरी बैंकको पुँजी संरचनालाई व्यवस्थित गरेर मात्रै साधारण सभा गर्न र सर्वसाधारणबाट संचालक चयन गर्न भन्दै हालका संचालक मध्येका एक संचालकले मुद्धा दायर गरेका हुन् ।
मुद्धामा बैंकका केहि निहित स्वार्थ भएका संचालकहरुले सर्वसाधारण शेयरधनीका तर्फबाट बैंकको संचालक समितिमा प्रतिनिधित्वमा जालझेल गर्न खोजेको आरोप समेत लगाइएको छ ।
यसअघि पनि हिमालयन बैंकको संचालक विवाद पटक पटक अदालतमा पुगेको थियो ।
हिमालयन बैंकमा स्थापना कालदेखि नै नीजि क्षेत्रबाट ४ वटा समुह संस्थापक शेयरधनी मनोज बहादुर श्रेष्ठ, प्रेम प्रकाश खेतान, हिमालय शमशेर राणा र हविव बैंक अफ पाकिस्तानका प्रतिनिधि सलीम अम्लानी रहेका छन । यी ४ संस्थापक शेयरधनी बाहेक कर्मचारी सञ्चय कोष तथा सर्वसाधारण शेयरधनीहरू समेत रहेका छन ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया