चार महिनापछि सन नेपाल लाइफका सीईओ राजकुमार अर्याल काममा फर्किए

काठमाडौं । सन नेपाल लाइफ इन्स्योरेन्सका प्रमुख कार्यकारी अधिकृत (सीईओ) राजकुमार अर्याल चार महिनापछि पुनः जिम्मेवारीमा फर्किएका छन्।

कर्मचारीका लागि छुट्याइएको सेयर वितरणसम्बन्धी विवादमा पक्राउ परेका अर्याल सञ्चालक समितिको निर्णयपछि पूर्ववत् काममा फर्किएका हुन्।

अर्याललाई कर्मचारीका लागि आरक्षित ४ लाख ९० हजार कित्ता सेयर वितरणमा अनियमितता गरेको आरोपमा नेपाल प्रहरीको केन्द्रीय अनुसन्धान ब्यूरो (सीआईबी)ले गत चैत १६ गते पक्राउ गरेको थियो। उनलाई चैत २६ गते रिहा गरिएको थियो।

जिल्ला सरकारी वकिल कार्यालय, काठमाडौंले दोस्रो पटक हिरासतमा राख्न म्याद थप गर्न अस्वीकार गरेपछि अर्याल रिहा भएका थिए।

कम्पनीका अनुसार बिहीबार बसेको सञ्चालक समितिको बैठकले अर्याललाई पुनः जिम्मेवारीमा फर्काउने निर्णय गरेको हो। सीआईबीले अनुसन्धान पूरा गरी मुद्दा चलाउने प्रयोजनका लागि अनुसन्धान प्रतिवेदन पेश नगरेपछि उनी काममा फर्किएको कम्पनीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन