![$adHeader[0]['title']](https://bfisnews.com/images/bigyapan/1726536208_1712932632_Onlinearthik_1200x100.gif)
चार कम्पनीले आईपीओ निष्काशनका लागि धितोपत्र बोर्डमा दिए आवेदन
- BFIS News
- 2026 Aug 18 20:22
 (3) (1).gif)
काठमाडौं । नेपाल धितोपत्र बोर्ड (सेबोन) मा चार नयाँ कम्पनीले प्राथमिक सार्वजनिक निष्काशन (आईपीओ) जारी गर्नका लागि आवेदन दिएका छन्। विभिन्न क्षेत्रका यी कम्पनीले कुल ८३ लाख २ हजार ५०० कित्ता आईपीओ निष्काशनका लागि आवेदन दिएका हुन्।
सेबोनमा आवेदन दिने कम्पनीमध्ये मकरिगाड हाइड्रोपावर लिमिटेडले स्थानीय तथा सर्वसाधारणका लागि २२ लाख २७ हजार ५०० कित्ता आईपीओ निष्काशन गर्न आवेदन दिएको छ। कम्पनीले प्रतिकित्ता १०० रुपैयाँका दरले २२ करोड २७ लाख ५० हजार रुपैयाँ बराबरको आईपीओ निष्काशन गर्न लागेको हो। यसको बिक्री प्रबन्धकमा सानिमा क्यापिटल लिमिटेड रहेको छ।
त्यस्तै, कालिञ्चोक इन्भेस्टमेन्ट कम्पनी लिमिटेडले सर्वसाधारणका लागि २४ लाख कित्ता आईपीओ निष्काशन गर्न आवेदन दिएको छ। कम्पनीले २४ करोड रुपैयाँ बराबरको आईपीओ जारी गर्ने प्रस्ताव गरेको छ। यसको बिक्री प्रबन्धक नबिल इन्भेस्टमेन्ट बैंकिङ रहेको छ।
इन्द्रेणी मसरुम फार्म लिमिटेडले सर्वसाधारणका लागि ८ लाख ७५ हजार कित्ता आईपीओ निष्काशनका लागि आवेदन दिएको छ। प्रतिकित्ता १०० रुपैयाँ अंकित मूल्यका आधारमा कम्पनीले ८ करोड ७५ लाख रुपैयाँ बराबरको आईपीओ निष्काशन गर्न लागेको हो। यसको बिक्री प्रबन्धकमा मुक्तिनाथ क्यापिटल लिमिटेड रहेको छ।
त्यसैगरी, मध्यपुर अस्पताल लिमिटेडले सर्वसाधारणका लागि २८ लाख कित्ता आईपीओ निष्काशन गर्न आवेदन दिएको छ। कम्पनीले २८ करोड रुपैयाँ बराबरको आईपीओ निष्काशन गर्ने प्रस्ताव गरेको छ। यसको बिक्री प्रबन्धक पनि मुक्तिनाथ क्यापिटल लिमिटेड रहेको छ।
मध्यपुर अस्पतालले २०८३ साल भदौ २२ गते आईपीओ निष्काशनका लागि आवेदन दिएको विवरणमा उल्लेख छ। धितोपत्रबाट स्वीकृति प्राप्त भएपछि मात्रै सम्बन्धित कम्पनीले आईपीओ निष्काशन तथा बिक्री प्रक्रिया अघि बढाउन सक्नेछन्। बोर्डको स्वीकृतिपछि कम्पनीहरूले निष्काशनको मिति, आवेदन प्रक्रिया र अन्य विवरण सार्वजनिक गर्नेछन्।
शेयर गर्नुहोस
प्रतिक्रिया दिनुहोस्
सम्बन्धित समाचार
.jfif)
.jfif)
प्रतिक्रिया