बिन्दवासिनी हाइड्रोपावरको साधारणसभा कात्तिक १८ गते, ५ प्रतिशत बोनस र १ः१ हकप्रद सेयर प्रस्ताव

काठमाडौं। बिन्दवासिनी हाइड्रोपावर डेभलपमेन्ट कम्पनी लिमिटेडले कात्तिक १८ गते १०औँ वार्षिक साधारणसभा बोलाएको छ। कम्पनीको साधारणसभामा गत आर्थिक वर्ष २०८२/८३ को वित्तीय विवरण पारित गर्ने, सेयरधनीलाई ५ प्रतिशत बोनस सेयर र ०.२६३२ प्रतिशत नगद लाभांश वितरण गर्ने तथा १ः१ अनुपातमा हकप्रद सेयर जारी गर्ने प्रस्ताव पेस हुँदैछ।

कम्पनीको साधारणसभा काठमाडौंको शंखमूलस्थित अनमोल ब्यांक्वेटमा बिहान ९ः३० बजे सुरु हुनेछ। सभामा आर्थिक वर्ष २०८२/८३ को वित्तीय विवरण र लेखापरीक्षकको प्रतिवेदनसहित नाफा–नोक्सान हिसाब, वित्तीय विवरण तथा नगद प्रवाह विवरणमाथि छलफल गरी पारित गर्ने प्रस्ताव रहेको छ।

त्यस्तै, आर्थिक वर्ष २०८३/८४ का लागि लेखापरीक्षक नियुक्ति गरी निजको पारिश्रमिक निर्धारण गर्ने प्रस्ताव पनि सभामा पेस हुनेछ। कम्पनीले चुक्ता पुँजीको ५ प्रतिशत बोनस सेयर र ०.२६३२ प्रतिशत नगद लाभांश वितरण गर्ने प्रस्तावसमेत अनुमोदनका लागि प्रस्तुत गर्नेछ।

यसका अतिरिक्त, कम्पनीले १ः१ अनुपातमा हकप्रद सेयर जारी गर्ने प्रस्ताव पारित गर्नेछ। सभामा सञ्चालक समितिबाट भएका निर्णय अनुमोदन गर्ने तथा विविध विषयमा पनि छलफल हुनेछ।

कम्पनीले साधारणसभा तथा लाभांश वितरण प्रयोजनका लागि कात्तिक १० गते बुक क्लोज गर्ने जनाएको छ। त्यसैले कात्तिक ९ गतेसम्म कायम सेयरधनीले प्रस्तावित लाभांश प्राप्त गर्न र साधारणसभामा सहभागी हुन सक्नेछन्।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?