सुनको भाउ अन्तर्राष्ट्रिय बजारमा घट्दा नेपालमा भने बढाइयो, प्रतितोला ८०० ले बढेर एक लाख ८१ हजार ५०० पुग्यो

काठमाडौं। नेपाली बजारमा सुनको मूल्य प्रतितोला ८ सय रुपैयाँले बढेको छ। नेपाल सुनचाँदी व्यवसायी महासंघका अनुसार सोमबार प्रतितोला १ लाख ८१ हजार ५०० रुपैयाँमा कारोबार भएको सुनको मूल्य मंगलबार बढेर १ लाख ८२ हजार ३०० रुपैयाँ पुगेको हो।

अन्तर्राष्ट्रिय बजारमा भने सुनको मूल्य घटिरहेको छ। अहिले अन्तर्राष्ट्रिय बजारमा सुनको मूल्य प्रतिऔंस १७ डलरले घटेर ४ हजार ६ डलरमा कारोबार भइरहेको छ। अन्तर्राष्ट्रिय बजारमा मूल्य घट्ने क्रम जारी रहँदा नेपाली बजारमा भने सुनको मूल्य बढेको हो।

दशैंअघि प्रतितोला २ लाख ९० हजार रुपैयाँ पुगेको सुनको मूल्य दशैं बिदापछि घटेर २ लाख ७८ हजार ५०० रुपैयाँमा झरेको थियो। त्यसयता अन्तर्राष्ट्रिय बजारमा सुनको मूल्यमा गिरावट आउने क्रम जारी रहेको छ।

यसैबीच, चाँदीको मूल्यमा भने सामान्य गिरावट आएको छ। सोमबार प्रतितोला ३ हजार ९९५ रुपैयाँमा कारोबार भएको चाँदीको मूल्य मंगलबार घटेर ३ हजार ९७० रुपैयाँ कायम भएको छ।

अन्तर्राष्ट्रिय बजारमा सुनको मूल्य घट्ने क्रम जारी रहेकाले आगामी दिनमा यसको मूल्यमा कस्तो प्रभाव पर्छ भन्ने चासो बढेको छ। अन्तर्राष्ट्रिय बजारमा जुन अनुपातमा घटिरहेको छ नेपालमा भने घटाउन खोजिएको देखिदैन। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन