दम्पत्तिबीचको विश्वासिलो सम्बन्धमा आर्थिक पाटो

एक जोडीको रूपमा बलियो, स्वस्थ र विश्वासिलो सम्बन्ध निर्माण गर्न आर्थिक व्यवस्थापन पनि महत्त्वपूर्ण छ। यो एक-अर्काको विचार बुझ्ने र सम्मान गर्ने बारे पनि सम्बन्धित कुरा हो।

एक सर्वेक्षणका अनुसार एक दम्पतीले हप्तामा औसत ६३ घण्टा बेतलबी रुपमा घरेलु काममा समय बिताउँछन्। त्यसमा पनि केवल २९ प्रतिशत जोडीहरूले मात्र समान रुपमा घरको काम गर्छन्। 

४१ दशमलव ६ प्रतिशत सम्बन्धमा बिलहरू तिर्ने जिम्मेवारी पुरुषहरूले लिएका छन्, जबकि महिलाहरू यसमा २३ दशमलव ७ प्रतिशतमात्र सहभागि छन्। ३४ दशमलव ५ प्रतिशत सम्बन्धहरु यस्ता छन् जसमा समानरुपमा कामको बाँडफाँड हुन्छ।

घरपरिवारमा आर्थिक क्रियाकलाप व्यवस्थापनमा एकअर्काको आर्थिक पृष्ठभूमि र दृष्टिकोण बुझ्न महत्त्वपूर्ण छ। तपाईंले बाल्यकालमा पैसा कसरी जोगाउनु हुन्थ्यो, तपाईंले पहिलो जागिरबाट के सिक्नुभयो, र तपाईंका आमाबाबुले तपाईंलाई कस्तो आर्थिक पाठ सिकाउनुभयो भन्ने बारे दम्पत्तिबीच सरल कुराकानी हुन आवश्यक छ। तपाईंले ठूलो वित्तीय निर्णयको सामना गरिरहेको बेला मात्र होइन अन्य समयमा पनि आर्थिक क्रियाकलापबारे यस्ता कुराकानीहरू स्वाभाविक रूपमा हुनु पर्छ।

छोटो र दीर्घकालीन खर्चको बारेमा सँगै बसेर कुरा गर्नुहोस्। छोटो अवधिको खर्चका योजनाहरु खानपानका लागि वा छुट्टीको योजना बनाउनका लागि महत्त्वपूर्ण हुन सक्छ। दीर्घकालीन खर्चहरूमा घर किन्ने वा सेवानिवृत्तिको तयारी जस्ता ठूला योजनाहरूमा समावेश हुन्छन्। यी बारे नियमित रूपमा कुरा गर्दा हामीलाई एउटै पृष्ठमा रहन र साझा लक्ष्यहरूमा काम गर्न मद्दत पुग्छ। यसले दम्पत्तिबीच आपसी सद्भावमा पनि वृद्धि गराउँछ।

लामो समयसम्म आर्थिक बचतलाई सुनिश्चित गर्न तपाईंको बचतको 'ट्रयाक' महत्त्वपूर्ण छ। आफ्नो कूल आयको १०-२० प्रतिशत बचत गर्ने लक्ष्य राख्नुहोस्। 

दीर्घकालीन बचतमा सेवानिवृत्ति योजनाहरूमा योगदानका साथै घरमा डाउन पेमेन्ट वा उच्च ब्याज ऋण तिर्नको लागि बचत गरिएको पैसा समावेश हुन्छ। तपाईंको बचत दर गणना गर्दा तपाईंले वर्षमा के हासिल गर्ने अपेक्षा गर्नुहुन्छ भन्ने कुरामा फोकस गर्नुहोस्।

आफ्नो वित्तीय स्थितिलाई नियन्त्रणमा राख्न बचत र खर्चका ठाउँहरुको जाँच गरिराख्नु महत्त्वपूर्ण हुन्छ।

आर्थिक चुनौतीहरूको सामना गर्न रणनीतिहरू बनाउनुहोस्, जस्तै आम्दानीमा अचानक गिरावट र अप्रत्याशित खर्च बढेमा के गर्ने? स्वस्थ जोडीको सम्बन्धको लागि प्रेमभन्दा बाहिर पनि सोच्नु धेरै महत्त्वपूर्ण छ। पैसाको बारेमा व्यावहारिक हुनुहोस् र स्वस्थ छलफलको साथ सम्बन्धमा यसको दूरगामी, दीर्घकालीन प्रभावलाई हेर्नुहोस्।

प्रतिक्रिया दिनुहोस्

सम्बन्धित समाचार

६ महिनामा बाणिज्य बैंकहरुको मुनाफा ११ प्रतिशतको वृद्धि

एकैदिन थपिए १० हजार बढी कोरोना संक्रमित

विद्युत खपत बढाउन प्राधिकरणले सुरु गर्यो अभियान

तीन कम्पनीको सेयर मूल्य समायोजन

सिद्धार्थ बैंकको नयाँ एक्स्टेन्सन् काउन्टर सिनामंगलमा

नेशनल लाइफको २० प्रतिशत लाभांश घोषणा