गरिमा विकास बैंकको सिइओमा माधवप्रसाद उपाध्याय

काठमाडौं । गरिमा विकास बैंकको प्रमुख कार्यकारी अधिकृत (सिइओ) मा माधवप्रसाद उपाध्याय नियुक्त भएका छन्। बैंक सञ्चालक समितिको चैत १४ गते बसेको बैठकले उपाध्यायलाई सिइओमा नियुक्त गर्ने निर्णय गरेको हो।

आगामी २०८१ को वैशाख १ गतेदेखि लागू हुने गरी उपाध्यायलाई सो पदमा नियुक्त गरिएको हो। हाल बैंकका सिइओ गोविन्दप्रसाद ढकालको कार्यकाल चैत ३० गते सकिएपछि उनलाई जिम्मेवारी दिन लागिएको हो।

उनले आगामी ४ वर्षका लागि बैंकको कमाण्ड सम्हाल्नेछन्। हाल उनी नायव प्रमुख कार्यकारी अधिकृत भएर काम गरिरहेका छन्।

व्यवस्थापनमा स्नातकोत्तर गरेका उपाध्याय गरिमा विकास बैंक लिमिटेडमा संस्थापनाकालदेखि कार्यरत रहनुका साथै विगत १५ वर्षदेखि कम्पनी सचिवको रुपमा र विगत ११ वर्षदेखि नायब प्रमुख कार्यकारी अधिकृत पदमा कार्यरत छन् । उनीसँग करिब डेढ दशक अध्यापन–प्राध्यापन को अनुभवसमेत रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन