बीमा प्राधिकरणले पोष्ट मर्जर सम्बन्धी अन्तर्क्रिया गर्दै, कम्पनीहरुबाट उजुरीको चाङ !

काठमाडौं । नेपाल बीमा प्राधिकरणले पोष्ट मर्जर सम्बन्धी अन्तर्क्रिया गर्ने भएको छ । मर्जर पछि बीमा कम्पनीहरुमा समस्याहरु चुलिदै जान थाले पछि प्राधिकरणले मर्जरमा गएका कम्पनीहरुलाई बोलाएर अन्तर्क्रिया आयोजना गर्न थालिएको बीमा प्राधिकरणका कार्यकारी निर्देशक राजुरमण पौडेलले जानकारी दिए । उनले भने ‘मर्जर भएका कम्पनीमा के के समस्या आए भनेर हेर्ने छौ । कर्मचारीका विषयमा समस्या आए भन्दै गर्दा उनिहरुबाटै समस्याहरु बुझ्न खोज्दै छौ । त्यस्तै सञ्चालक सम्बन्धी पनि समस्या आएको हुन सक्छ त्यसबारेमा बुझ्नका लागि हामीले कार्यक्रम आयोजना गर्न खोजिरहेका छौ ।’

बीमा प्राधिकरणमा पनि केहि कर्मचारीहरुले उजुरी हालिसकेका छन् । केहि समय अगाडी हिमालयन लाइफका कर्मचारीहरुले आन्दोलन नै गरेका थिए । भिआरएसको सुविधा लिन चाहेका कर्मचारीलाई तोकिए अनुसारको भुक्तानी नदिए पछि उनिहरुले आन्दोलन नै गरेका थिए ।

साविकका दुई कम्पनी मिलेर एक कम्पनी बन्दै गर्दा सबै जनाको कार्यशैली फरक फरक थियो । अझ हिमालयन लाइफ तीन वटा कम्पनी मिलेर बनेको हो । हिजोका दिनमा प्रमुख कार्यकारी अधिकृतहरुले आ-आफ्नो ढङ्गले सञ्चालन गर्दै आएका थिए । मर्जर हुने वित्तीकै उनिहरुले पनि आफु अनुकुल काम गराउन सक्दैनन् । अर्को तर्फ हिजोका दिनमा एक किसिमको वातावरणमा काम गर्दै आएका कर्मचारीले मर्जर पछि अर्कै वातावरण पाउदा उनिहरुलाई धेरै असहज भएको देखिन्छ ।

बीमा प्राधिकरणले मर्जर अगाडी खाइपाइआएको तलब सुविधा घटाउन नपाउने व्यवस्था गरिदिएको छ । तर कतिपय कम्पनीहरुले सेवा सुविधा दिए पनि भुमिका दिएका छैनन् । काम गर्ने भुमिका नै नपाए पछि स्वभाविक रुपमा कर्मचारीहरुमा असन्तुष्टी सिर्जना हुन्छ । मर्जरले गर्दा कम्पनीहरुमा ओभर स्टाफिङ देखिन्छ । कर्मचारी धेरै भए भनेर सरुवा गर्दा पनि विवाद हुने, फरक काममा खटाउदा पनि विवाद हुने भए पछि उच्च व्यवस्थापनले ठुलो झमेला बेहोर्नु परिरहेको छ ।

बीमा प्राधिकरणले छिटो भन्दा छिटो मर्जर पछि कम्पनीमा देखापरेका समस्या समाधानको पहल नगर्ने हो भने भोलिका दिनमा झन् ठुलो समस्या निम्त्याउछ ।

बीमा कम्पनी मर्ज भए पनि कर्मचारी विच मर्जर हुन सकेन, जिम्मेवारी विहिन बनाउदा जागिर छाड्न बाध्य

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन