होटलमाथिको अनुगमन र कारबाहीमा संघको ध्यानाकर्षण

काठमाडौं । होटल संघ नेपालले होटलहरुमा गरिएको अनुगमन तथा कारबाहीका बारे आपत्ति जनाएको छ। बिहीबार होटल संघ नेपालका अध्यक्ष विनायक शाहको नेतृत्वमा गएको टोलीले उद्योग, वाणिज्य तथा आपूर्ति मन्त्रालय मन्त्री दामोदर भण्डारीलाई भेटेर ज्ञापनपत्र पनि बुझाएको छ।

टोलीले अनुगमनको नाममा अव्यवहारिक रुपमा होटलहरुमाथि कारबाही तथा जरिवाना भएकोमा आपत्ति जनाएको छ।

संघले सरकारबाट हुने निरीक्षण अनुगमनको सराहना गर्दै यसलाई प्रभावकारी बनाउन एकलौटी ढंगबाट मात्र नभएर सरोकारवाला निकायसँगको समन्वयमा गर्न पनि आग्रह गरेको छ।

तारे होटलहरुमा अखाद्य वस्तु रहेको जस्ता नकारात्मक समाचारहरुले विश्वव्यापी रुपमा नकारात्मक सन्देश जाने र यस कार्यले नेपालको पर्यटन प्रवर्द्धनको गरिमामा समेत आँच आउने बारे ध्यानाकर्षण गराइएको छ।

अदालतमा समेत मुद्दा परी विचाराधीन रहेको विषयमा सरकारी क्रियाकलापहरु प्रचारमुखी नभई संयमित ढंगबाट हुनका लागि समेत अनुरोध गर्दै यस्ता कार्यबाट अन्तर्राष्ट्रिय जगतमा नेपाल अखाद्य वस्तुको भण्डार भनी नकारात्मक प्रचारप्रसार भएको र यसबाट नेपाल आउने विदेशी पर्यटकहरुबाट बुकिङ रद्द समेत हुन सक्ने हुँदा आगामी दिनमा यस विषयमा समन्वय र सहकार्यको व्यवस्थाका लागिसमेत संघले मन्त्रीसमक्ष आग्रह गरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन