![$adHeader[0]['title']](https://bfisnews.com/images/bigyapan/1726498142_960x100.gif)
हिमालयन लाइफ इन्स्योरेन्सले व्यतित बीमालेखको नवीकरणमा सत प्रतिशतसम्म छुट दिने
- BFIS News
- 2024 Apr Sun 08:10
काठमाडौं । हिमालयन लाइफ इन्स्योरेन्स लिमिटेडले व्यतित बीमालेख नवीकरण गर्दा लाग्ने विलम्ब शुल्क (ब्याज/जरिवाना) मा १०० प्रतिशतसम्म छुट दिने भएको छ ।
इन्स्योरेन्सले सूचना जारी गर्दै आज (वैशाख ९ गते) देखि वैशाख २४ गतेसम्म नवीकरण गराउँदा १०० प्रतिशतसम्म छुट दिने जानकारी दिएको हो।
कम्पनीले साविकको प्राइम लाइफ, यूनियन लाइफ र गुराँस लाइफबाट विभिन्न समयमा बीमा गराई व्यतित भएका बीमालेखमा छुट दिँदैछ।
तीन वर्षसम्मको व्यतित बीमालेख अवधिमा १०० प्रतिशत, तीनदेखि माथि पाँच वर्षसम्ममा ५० प्रतिशत, पाँचदेखि माथि सात वर्षसम्म ३५ प्रतिशत र सात वर्षदेखि माथि जतिसुकै व्यतित बीमालेख अवधिमा २५ प्रतिशत छुट दिने सूचनामा उल्लेख छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया