नेपाल रिपब्लिक मिडियाको शेयर सूचिकृत, पहिलो कारोबार कतिमा होला ?

काठमाडौं । नेपाल रिपब्लिक मिडियाको साधारण शेयर दोस्रो बजारमा सूचिकरण भएको छ । आज बिहीबार नेपाल स्टक एक्सचेन्ज र नेपाल रिपब्लिक मिडिया विच प्रति शेयर अंकित तथा चुक्ता मूल्य १०० रुपैयाँको दरले ९६ लाख ७५ हजार कित्ता साधारण शेयर सूचीकरण गर्ने सम्झौता भएको हो । कम्पनीले सर्वसाधारण समक्ष मेगा क्यापिटल मार्फत साधारण शेयर खुला बिक्री आह्वान गरेको थियो । यसरी सर्वसाधारण लगानीकर्ता शेयरधनीहरुमा वितरण गरिएको ४३ लाख ५३ हजार कित्ता र कम्पनीका संस्थापक शेयरधनीहरुले लगानी गरेको ५३ लाख २२ हजार कित्ता सहित ९६ लाख ७५ हजार कित्ता शेयर सूचिकरण भएको हो ।

रिपब्लिक मिडियाले दोस्रो बजारमा कारोबारका लागि (NRM) संकेत प्राप्त गरेको छ । आइतबार कम्पनीको शेयर कारोबार सुरु हुनेछ । पहिलो कारोबार ओपनिङ सेसनमा भए पछि मात्रै अन्य कारोबार गर्न पाइनेछ । यदि ओपनिङ सेसनमा कारोबार भएन भने त्यो दिनभरी कारोबार हुन पाउदैन । नेप्सेले पहिलो कारोबारका लागि ओपनिङ रेन्ज न्युनतम ८४.४७ रुपैयाँ र अधिकतम २५३.४१ रुपैयाँ तोकेको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना