![$adHeader[0]['title']](https://bfisnews.com/images/bigyapan/1726498142_960x100.gif)
टी-२० र युरोकपलक्षित डिशहोमको १५ सहरमा रोड-शो
- BFIS News
- 2024 May Tue 13:51
काठमाडौं । आज (वैशाख २५) बाट देशका विभिन्न १५ वटा सहरहरूमा रोड–शो कार्यक्रम थालेको छ। डिशहोमले आउँदो टी-ट्वान्टी र यूरो २०२४ लाई लक्षित गरी उक्त रोड–शो कार्यक्रम सुरु गरेको हो।
यस कार्यक्रममा विभिन्न मनोरञ्जनात्मक प्रस्तुतिहरू हुनेछन् जहाँ महिमा पण्डे भट्टराई, सञ्जोक बस्याल, दुर्गाराज पाण्डे, स्मिता राणा, प्रज्ज्वल खड्का र महेश लिम्बू प्रस्तोताको भूमिकामा रहने यस कार्यक्रममा शिव परियार, महेश काफ्ले, विश्व नेपाली, टीका प्रसाईं तथा सुमन कार्की जस्ता ख्यातिप्राप्त कलाकारहरूले आफ्नो प्रस्तुति दिनेछन् ।
अन्य थप रोमाञ्चक गतिविधिहरू पनि हुने आयोजकले जनाएको छ। जहाँ सहभागीहरूले विभिन्न खेलहरूमा सहभागी भई पुरस्कारहरू पनि जित्न सक्नेछन् ।
यो कार्यक्रम धरान बसपार्कबाट २५ गते साँझ ४ बजेदेखि सुरु हुने रेडियो अन व्हिल वैशाख २६ गते इटहरी, २७ गते दमक, २८ गते बिर्तामोड, २९ गते विराटनगर, ३० गते जनकपुर, ३१ गते वीरगन्ज, जेठ १ गते हेटौँडा, २ गते नारायणघाट, ४ गते बुटवल, ६ गते धनगढी, ८ गते सुर्खेत, ९ गते नेपालगन्ज, ११ गते पोखरा र १४ गते काठमाडौंमा आयोजना भई समापन हुनेछ।
कार्यक्रमले देशभरका हजारौंलाई पूर्ण मनोरञ्जन गराउने विश्वास आयोजकले लिएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया