![$adHeader[0]['title']](https://bfisnews.com/images/bigyapan/1726498142_960x100.gif)
घरजग्गा कारोबारमा कमी, सबैभन्दा बढी कारोबार इनरुवा मालपोतबाट
- BFIS News
- 2024 May Wed 09:50
काठमाडौं । बैशाख महिनामा घरजग्गा कारोबारमा कमी देखिएको छ। चैत महिनाभन्दा बैशाखमा कारोबारमा कमी देखिएको छ। भूमी व्यवस्थापन तथा अभिलेख विभागका अनुसार चैत महिनामा घरजग्गा कारोबारबाट ४ अर्ब ३१ करोड रुपैयाँ राजश्व संकलन भएकोमा वैशाख महिनामा ४ अर्ब २४ करोड ५३ लाख रुपैयाँ राजश्व संकलन भएको छ।
चालु आर्थिक वर्षको १० महिनाको अवधिसम्म भने देशभरका मालपोत कार्यालयबाट ३४ अर्ब ६० करोड रुपैयाँबराबरको राजश्व संकलन भएको छ ।
देशभरका मालपोत कार्यालयबाट वैशाख महिनामा ४९ हजार ७८३ लिखत पारित भएको छ। चैत महिनामा ४९ हजार ६१२ वटा लिखत पारित भएको थियो ।
वैशाखमा सबैभन्दा बढी इनरुवा मालपोत कार्यालयबाट लिखत पारित भएको छ । इनरुवा मोलपोत कार्यालयबाट वैशाख महिनामा कुल २ हजार ११ वटा लिखत पारित भएको छ ।
जनकपुर मालपोत कार्यालय दोस्रो स्थानमा रहेको छ । यो कार्यालयबाट वैशाख महिनामा १ हजार ७६७ वटा लिखत पारित भएको छ ।
काठमाडौं उपत्यकामा भने भक्तपुर मालपोत कार्यालयबाट सबैभन्दा धेरै लिखत पारित भएको छ। भक्तपुरबाट ९८४ वटा लिखत पारित भएको छ । लगनखेल मालपोत कार्यालयबाट ९५५ र कलंकी मालपोत कार्यालयबाट ६७९ वटा लिखत पारित भएको छ । यस्तै, चाबहिल र साँखुबाट ४८३, डिल्लीबजारबाट २०४ र टोखाबाट १३८ वटा लिखत पारित भएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया