![$adHeader[0]['title']](https://bfisnews.com/images/bigyapan/1726498142_960x100.gif)
बैंकिङ कसूर मुद्दाका फरार प्रतिवादी पक्राउ
- BFIS News
- 2024 May Mon 14:44
काठमाडौं । बैंकिङ कसूर मुद्दाका २ जना फरार प्रतिवादीहरूलाई प्रहरीले पक्राउ गरेको छ । पक्राउ पर्नेहरूमा दोलखा बैतेश्वर गाउँपालिका-१ घर भई काठमाडौं बुढानिलकण्ठ नगरपालिका-४ बस्ने ३७ वर्षीया सिता बोम्जन तामाङ र नुवाकोट ककनी गाउँपालिका-४ घर भई हाल काठमाडौं नागार्जुन बस्ने ३४ वर्षीय विराज तामाङ रहेका छन् ।
काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले सिता बोम्जनलाई काठमाडौं बुढानिलकण्ठ नगरपालिका-५ गणेश चोकबाट र विराजलाई काठमाडौं धुम्बाराहीबाट शुक्रबार पक्राउ गरेको हो ।
पक्राउमध्ये सिता संलग्न भएको बैंकिङ कसूर मुद्दामा जिल्ला अदालत भक्तपुरबाट २०८१ वैशाख ७ गते पक्राउ अनुमति प्राप्त भई फरार रहेकी थिइन् भने विराज संलग्न भएको बैंकिङ कसूर मुद्दामा जिल्ला अदालत काठमाडौंबाट पक्राउ पुर्जी भई फरार रहेका थिए ।
सितालाई जिल्ला प्रहरी परिसर भक्तपुर र विराजलाई जिल्ला प्रहरी परिसर काठमाडौंमा आवश्यक अनुसन्धान तथा कारवाहीको लागि पठाइएको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया