बैंक तथा वित्तीय संस्थाका कर्मचारीलाई धम्क्याउने तथा तोडफोड नगर्न बैंकरहरुको अपिल

काठमाडौं । बैंक वित्तीय संस्थाका संघ संघठनले बैंक वित्तीय संस्थाका कार्यालय तोडफोड र कर्मचारीलाई धम्क्याउने काम नगर्न आह्वान गरेका छन् । 

नेपाल बैंकर्स संघ, डेभलपमेन्ट बैंकर्स एशोसियशन नेपाल, नेपाल वित्तीय संस्था संघ र नेपाल लघुवित्त बैंक संघले आज संयुक्त विज्ञप्ति प्रकाशित गरी केही व्यक्ति र समूहले आफ्नो निहीत स्वार्थपूर्ति गर्ने उद्देश्यले गरेका क्रियाकलाप प्रति आपत्ति जनाएका हुन् ।

पछिल्लो समय बैंक तथा वित्तीय संस्थाका कार्यालय तोडफोड गर्ने र कर्मचारीहरुलाई धम्क्याउने जस्ता क्रियाकलाप बढेको भन्दै उनिहरुले ध्यानाकर्षण गराएका हुन् ।  

प्रचलित ऐन कानून बमोजिम स्थापित संस्थाहरुले सहज रुपमा कारोबार गर्ने अधिकारबाट बञ्चित हुनु परेको विज्ञप्तिमा उल्लेख छ । यस्ता अवाञ्छित गतिविधिहरुलाई तत्काल नियन्त्रमा लिई सजह रुपमा सेवा गर्ने बातावरण मिलाई दिन सरकार समक्ष माग पनि गरिएको छ । 

व्यवसायिक सहजीकरणका लागि नियमनकारी निकाय नेपाल राष्ट्र बैंक  तथा आवश्यक सहयोग र सुरक्षा प्रदान गरिदिन स्थानीय सरकारहरुसमक्ष विज्ञप्ति मार्फत माग गरिएको हो । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?