बंगलादेशी लगानीकर्ताले नबिल बैंकमा रहेको स्वमित्व नबेच्ने, सेयर किनबेच प्रक्रिया स्थगन

काठमाडौं । तत्कालीन नेपाल बंगलादेश (एनबी) बैंकको विदेशी लगानीकर्ता आईएफआईसी बैंकले नबिल बैंकमा कायम सेयर नबेच्ने भएको छ । नबिल बैंकले एनबी बैंक प्राप्ति गरेपछि आईएफआईसीले आफ्नो स्वामित्व विक्री गर्ने गरी नेपाल राष्ट्र बैंकमा निवेदन दिएकामा बंगलादेशी बैंकले विक्रीको निवेदन फिर्ता लिएको हो ।

नबिल बैंकले नेपाल धितोपत्र बोर्ड र नेपाल स्टक एक्स्चेन्जलाई बैंकको हाल कायम विदेशी लगानीकर्ता आईएफआर्यसी बैंकको नाममा रहेको संस्थापक सेयर खरिद/बिक्रीको प्रक्रिया स्थगन भएको जानकारी गराएको छ । नबिलमा आईएफआईसीको १ करोड ७७ लाख ३६ हजार ८८ कित्ता र सोबाट आर्जित बोनस सेयर कायम छ ।

सबै सेयर बेच्न २०७९ साल मंसिर १५ गते बैंकले संस्थापक सेयर बिक्री सम्बन्धी सूचना निकालेको थियो । सूचना अनुसार सेयर किन्न प्राप्त आवेदनअनुसार नेपाल राष्ट्र बैंकबाट स्विकृति लिने कामकारवाही अगाडि बढाइएको थियो । तर, आईएफआईसीले सेयर बिक्री नगरी नबिल बैंकमा कायम रहेको संस्थापक सेयरलाई निरन्तरता दिने भनी बिक्रीको निवेदन फिर्ता लिएको छ भने खरिदको प्रस्ताव पेश गर्ने संस्थापक सेयरधनीले समेत निवेदन फिर्ता लिई सेयर खरिद बिक्रीको प्रक्रियाबाट बाहिरिएको व्यहोरा जानकारी बैंकको सञ्चालक समितिको वैठकमा जानकारी गराएका छन् ।

बंगलादेशी बैंकको नाममा कायम स्वामित्व खर्बपति बिनोद चौधरीकी पत्नी सारिका चौधारीले खरिद गर्ने सम्झौता भएपछि २ वर्ष अघि नबिलले एनबीलाई प्राप्ति गरेको थियो । प्राप्तिपछि एनबीमा १०० कित्ता सेयर हुने सेयरधनीको नयाँ बैंकको ४३ कित्ता कायम भएको थियो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?