नक्कली भुटानी शरणार्थी प्रकरणमा अभियुक्त प्रतीक थापा पक्राउ

काठमाडौं । नक्कली भुटानी शरणार्थी प्रकरणका फरार भनिएका अभियुक्त प्रतीक थापा पक्राउ परेका छन्। प्रहरीले उनलाई काठमाडौंको बौद्धबाट पक्राउ गरेको हो। उनी नेकपा (एमाले) का उपाध्यक्ष रामबहादुर थापा ‘बादल’ का छोरा हुन्।

थापालाई आइतबार अदालतमा पेश गरिने प्रहरीले जनाएको छ।

नेपालीलाई नक्कली भुटानी शरणार्थी बनाएर अमेरिका पठाउन गरिएको अपराध अभियोगमा गत वर्ष सरकारी वकिलको कार्यालय काठमाडौंले थापालाई फरार सूचीमा राखेको थियो। रामबहादुर थापा गृहमन्त्री भएका बखत विचौलिया र गृह मन्त्रालयकै कर्मचारीहरुसँग मिलेर प्रतीकले शरणार्थी प्रकरणमा असुली धन्दा चलाएको अनुसन्धानबाट खुलेको थियो।

प्रतीकले आफू यसमा संलग्न नरहेको भन्दै अनुसन्धानलाई सघाउने बताए पनि अनुसन्धानकै क्रममा उनी फरार भएका थिए। त्यसपछि प्रहरीले २०८० वैशाख ३१ गते उनीविरुद्ध पक्राउ पूर्जी जारी गरेको थियो।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन