रुकुम पश्चिममा बाढीले घर बगाउँदा तीन बालिकाले गुमाए ज्यान, सातजना घाइते

काठमाडौं। रुकुम पश्चिममा सोमबार राति आएको बाढीले घर बगाउँदा तीन बालिकाको मृत्यु भएको छ। आठविसकोट नगरपालिका वडा नम्बर १२ को झिन्चौर बगरमा तातोपानी र झिन्चौर खोलाको बाढीले घर बगाउँदा मृत्यु भएका तीन बालिकाको शव निकालिएको हो।

१० वर्षीया हितमाया पुन, आठ वर्षीया धनसा पुन र चार वर्षीया मनीषा सार्कीको मृत्यु भएको प्रहरीले जनाएको छ।

यस्तै बेपत्ता भएकी ४० वर्षीया डिल्ली बहादुर बुढाथोकीको खोजी भइरहेको छ।

घटनामा परेर घाइते भएका सातजनाको आठविसकोटस्थित नगर अस्पतालमा उपचार भइरहेको छ। १२ वर्षीया विनय सार्की, २२ वर्षीया मनीषा पुन, २९ वर्षीया जनक खत्री, ६ वर्षिया मनसरी पुन, चार वर्षीया मेक्सन पुन, २८ वर्षीया  धनमाया पुन र ६५ वर्षीया कल्पना कामी घाइते भएका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन