बैंकहरुलाई घर जग्गा तथा रियल स्टेटमा ध्यान केन्द्रित गर्न अर्थमन्त्रीको निर्देशन

काठमाडौं । अर्थमन्त्री डा. प्रकाशशरण महतले बैंकहरुलाई घरजग्गा तथा रियल इस्टेटको कर्जामा ध्यान केन्द्रित गर्न अनुरोध गरेका छन् । बाणिज्य बैंकका प्रमुख कार्यकारी अधिकृतहरुले अर्थमन्त्रीलाई कर्जाको माग नभएको भन्दै गुनासो गरे पछि महतले घरजग्गा तथा रियल इस्टेटमा पनि कर्जा प्रवाह गर्ने स्पेस रहेको बताएका छन् । 

छलफलका क्रममा महतले भने ‘अर्थतन्त्र राम्रो भयो भने बैंकहरु पनि फाइदामा हुन्छन् । अरु ऋणी, बचतकर्ता सबै फाइदामा हुन्छन् । जसले सरकारको राजश्व पनि बढ्छ । हामी सबैले मिलेर काम गर्नु पर्छ । एक अर्कालाई सघाउने हो । हाम्रो चिन्ता तरलतामा छ । मान्छे सँग अलि अलि पैसा पनि छ । रेमिट्यान्स पनि आइरहेको छ । पर्यटन पनि बढ्न थाल्या छ ।’

तै पनि आर्थिक गतिविधि नबढेको भन्दै महतले चिन्ता व्यक्त गरेका छन् । उनले भने ‘लगानी बढिरहेको छैन । हाम्रो अलिकति रियल इस्टेटमा फसेको छ । हिजोका दिन जसले साच्चीकै रियल इस्टेटमा लगानी गरेका थिए राम्रो थियो । तर व्यक्तिगत रुपमा साना साना लगानीमा रियल इस्टेट जस्तो बनाइदिए ।’

उनले थपे ‘मलाई चाहिले एक दुई वटा मात्रै किन्ने होइन कि चाहिने भन्दा बढि २/४ वटा पनि खरिद गर्ने काम भयो । अर्को पटक डेढी भइहाल्छ भन्दै स्मेकुलेटिभ ज्यादा भयो ।’ त्यसले गर्दा यो अलिकति तल आउनै पर्थ्यो । फेरि यत्तीकै रहदा पनि गाह्रो छ । कित्ताकाटको कुरालाई मन्त्रिपरिषदले पास पनि गरिसकेको छ । कार्यविधि मात्रै नबनाएको हो । त्यसलाई पनि हामी गर्छौ ।

उनले थपे ‘कर्जाको मागलाई कसरी बढाउन सकिन्छ तपाइहरुको प्रतिस्पर्धात्मक वातावरणलाई पनि संबोधन गर्दै लगाडी बढ्न पर्छ । कर्जा नतिर्नेको पक्षमा सरकार छदै छैन । यसमा सरकार सून्य सहनसिलतामा चल्छ तपाईहरु ढुक्क भए हुन्छ ।’

राष्ट्र बैंकले गर्ने सहजिकरणका विषयमा हामीले कुरा गरिरहेका छौ । अलिकति केहि सहज पनि भएको छ । पोलिसी दर घटेको छ । त्यसमा बृहत निर्देशिका पनि आउला । रियल स्टेट देखि लिएर कहाँ कहाँ कर्जा माग हुन्छ त्यता तर्फ ध्यान केन्द्रित गर्न अर्थमन्त्रीले बैंकरहरुलाई अनुरोध गरेका छन् । उनले भने ‘यसमा कर्जा प्रवाह बढाउने भन्दै गर्दा पुरानै तालमा गएर दीगो हुदैन ।’ सँग सगै उत्पादनशिल क्षेत्रमा कसरी कर्जा प्रवाह गर्न समेत उनले अनुरोध गरेका छन् । सबै कुरा ठिक ठाक हुँदा हुँदै पनि कन्फिडेन्स चाँही बढिरहेको छैन भन्दै महतले यसलाई सबै मिलेर समाधान गर्न कोसिस अनुरोध गरेका छन् । यसमा सबैभन्दा धेरै भुमिका बैंकिङ क्षेत्रको हुने उनको तर्क छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?