![$adHeader[0]['title']](https://bfisnews.com/images/bigyapan/1726498142_960x100.gif)
मनकामना इन्जिनियरिङको आईपीओ आजदेखि, सञ्चालनमा आइसकेको ५ मेगावाटको आयोजना
- BFIS News
- 2023 Aug Mon 07:09
काठमाडौं । मनकामना इन्जिनियरिङ्ग हाइड्रोपावरले आजदेखि सर्वसाधारणका लागि आईपीओको बिक्री खुला गरेको छ । कम्पनीले सर्वसाधारणका लागि २२ लाख ७६ हजार ६ सय २० कित्ता शेयर बिक्री गर्न थालेको हो ।
कम्पनीले स्थानीयले खरिद नगरेको ६ लाख १६ हजार ६ सय २० कित्ता समेत थपेर सर्वसाधारणलाई २२ लाख ७६ हजार ६ सय २० कित्ता शेयर निष्काशन गरेको हो । सर्वसाधारणले साउन ३१ गतेसम्म आवेदन दिन सक्ने छन् । यदि यस अवधिमा माग बराबरको आवेदन नपरेमा मात्रै ढिलोमा भदौ १० गतेसम्म आवेदन दिन पाउने छन् ।
लगानीकर्ताले न्युनतम १० कित्तादेखि अधिकतम १ लाख कित्तासम्मको लागि आवेदन पाउन सक्ने छन् । कम्पनीको प्राथमिक शेयर निष्काशन तथा बिक्री प्रवन्धकमा बिओके क्यापिटल रहेको छ ।
कम्पनीले यस अघि नै आयोजना प्रभावित दोलखा जिल्लाका स्थानीय र श्रम स्वीकृति लिई विदेशमा रहेका नेपाली नागरिकको लागि निष्काशन गरिएको शेयर बाँडफाँड गरिसकेको छ ।
कम्पनीले आईपीओ निष्कासनका लागि गराएको रेटिङमा केयर रटिङ नेपालले ‘केयर एनपी डबल बी इस्यूअर रेटिङ’ प्रदान गरेको छ। यसले कम्पनीको दायित्व बहन गर्ने क्षमतामा औसत जोखिम रहेको संकेत गर्छ ।
मनकामना इन्जिनियरिङ्गले दोलखाको सिंगटी स्थित ५ मेगावाट विद्युत क्षमताको घट्टेखोला जलविद्युत आयोजना संचालन गरिरहेको छ । कम्पनीले आयोजना निर्माण सम्पन्न गरि २०७७ साल कार्तिक २३ गतेदेखि पूर्ण रुपमा विद्युत उत्पादन गरीरहेको छ। आयोजनाको प्रति मेगावाट लागत २७ करोड ८७ लाख रहेको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया