तीन करोडमा स्थापना भएको नविल बैंकले चार दशकमा शेयरधनीलाई दियो ४२ अर्ब ७६ करोड लाभांश, नगद मात्रै २० अर्ब

काठमाडौं । चार दशक अगाडी तीन करोड पूँजी सहित स्थापना भएको नविल बैंकले शेयरधनीलाई ४२ अर्ब ७६ करोड रुपैयाँ लाभांश वितरण गरिसकेको छ । शेयरधनीले नगद लाभांश मात्रै २० अर्ब ५ करोड प्राप्त गरेका छन् । 

तीन करोडको लगानीबाट सुरु भएको बैंकको हालको चुक्ता पूँजी २७ अर्ब ५ करोड रुपैयाँ पुगिसकेको छ । बैंकले हालसम्म शेयरधनीहरु सँग एक रुपैयाँ पनि हकप्रद निष्काशन गरेको छैन । तीन करोड रुपैयाँको नविल बैंकले सर्वसाधारणलाई एक करोड ९७ लाख ४ हजार रुपैयाँको आइपिओ निष्काशन गरेको थियो । निजी स्तरको पहिलो बैंक ‘नविल’ले पहिलो पटक प्रति कित्ता ६० रुपैयाँको दरले आइपिओ निष्काशन गरेको थियो ।

आइपिओ निष्काशन पश्चात कायम भएको ४ करोड ९७ लाख ३० हजार रुपैयाँ पछि शेयरधनीले अहिलेसम्म एक रुपैयाँ पनि दिनु परेको छैन । बरु बैंकले कमाएरै शेयरधनीलाई अर्बपति बनाएको छ । नेपाल राष्ट्र बैंकको विग मर्जरको नीतिलाई आत्मसाथ गर्दै बैंकले २०७९ असार २७ गते साविक नेपाल बंगालादेश बैंकलाई प्राप्ति गरि संयुक्त कारोबार शुभारम्भ गरेको थियो ।

नविलले नेपाल बंगालादेश बैंकलाई १०० बराबर ४२ रुपैयाँको अनुपातमा प्राप्ति गरेको हो । तत्कालिन अवस्थामा बंगलादेश बैंकको चुक्ता पूँजी १० अर्ब ८ करोड थियो । जस मध्ये ४ अर्ब २३ करोड मात्रै चुक्ता पूँजीमा जोडिदा बैंकलाई ५ अर्ब ८४ करोडको हायर पर्चेज गेन भएको थियो ।

मर्जर पछि बैंक थप शक्तिशाली बनेको बैंकले शेयरधनीले ७९ प्रतिशत लाभांश वितरण गरिसकेका छन् । यस क्रममा साविक नेपाल बैंगालदेश बैंकका शेयरधनीले स्वाप रेसियोबाट गुमाएको शेयरको भरपाइ प्राप्त गरिसकेका छन् । मर्जरको छोटो समयमै नेपाल बैंकलादेश बैंकका शेयरधनीको राम्रै प्रतिफल प्राप्त गरेका हुन् ।

बैंकले चार दशकमा ३३ वटा आर्थिक वर्षको मुनाफाबाट नगद लाभांश वितरण गरिसकेको छ । यस अवधिमा बैंकले ९०१ गुणाले पूँजी बढाउन सफल भएको भने स्थापनाको पूँजीमा ६६८ गुणाले नगद लाभांश वितरण गरिसकेको छ ।

जसमा प्रतिशतका हिसावले सर्वाधिक धेरै आर्थिक वर्ष २०६३/६४ मा १०४ प्रतिशत नगद लाभांश वितरण गर्यो । उक्त वर्ष शेयरधनीले ५० करोड ९४ लाख रुपैयाँ नगद लाभांश प्राप्त गरेका थिए । जवकी बैंकले गएको वर्ष ११ प्रतिशत नगद लाभांश वितरण गर्दा शेयरधनीले २ अर्ब ९७ करोड लाभांश प्राप्त गरे ।  पछिल्लो एक दशकमा बैंकले वितरण गरेको नगद लाभांशलाई हेर्ने हो भने हालसम्म वितरण गरेको लाभांशको ६७.७ प्रतिशत हुन आउछ । यस अवधिमा अघिल्लो तीन दशकमा ६ अर्ब ४६ करोड रुपैयाँ नगद लाभांश वितरण गरेकोमा पछिल्लो एक दशकमा मात्रै १३ अर्ब ५८ करोड रुपैयाँ वितरण गरेको छ । यसबाट बैंकहरुको लाभांश घटेको छ भन्न मिल्ने देखिदैन ।

शेयरधनीले अर्को भुल्नै नहुने कुरा यदि यो तहमा बैंकले पूँजीको दायरा फराकिलो नबनाएको थियो भने यति धेरै लाभांश वितरण गर्ने सामर्थ्य पक्कै पनि राख्दैन थियो । पूँजी बढे अनुसार प्रतिशेयर आम्दानीमा बृद्धि नभए पनि आकाको आधार भने बलियो र फराकिलो हुँदै गएको छ ।

जवकी गएको वर्ष प्रतिशतका हिसावले कम देखिएको लाभांश रकमका हिसावले भने अहिलेसम्मकै सर्वाधिक थियो । प्रतिस्पर्धी बैंकिङ बजारमा आफुलाई दरिलो बनाउन नविल बैंकले पूँजीको दायरा बढाउदा लाभांश दरमा केहि कमि जस्तो देखिएको बैंकका अध्यक्ष उपेन्द्र पौडेलले बताए ।

नेपाल राष्ट्र बैंकले हरेक कुराहरुमा कडाइ गर्दा बैंकहरुको लाभांशदर घटिरहेको अध्यक्ष पौडेलको विश्लेषण छ । त्यसमा पनि पछिल्लो समय समग्र अर्थतन्त्रमा देखिएको सिथिलताले कर्जाको गुणस्तर कमजोर हुँदा मुनाफा अझै घट्ने सक्ने उनको भनाइ छ । यसले तत्कालका लागि लाभांश वितरणमा असर गरे पनि भोलिका दिनमा कर्जा रिकभर हुँदै जादा शेयरधनीहरुले राम्रो प्रतिफल पाउने उनको विश्लेषण छ ।

चालु आर्थिक वर्षको तेस्रो त्रैमाशिक वित्तीय विवरण अनुसार बैंकको जगेडा कोषमा २७ अर्ब ८८ करोड रुपैयाँ जम्मा भइसकेको छ । यस आर्थिक वर्षमा यसको आकार अझ बढ्नेछ । पूँजीकोषको दवावलाई व्यवस्थापन गर्न बैंकले अग्राधिकार शेयर जारी गर्ने योजना बनाएको छ । जसले बैंकको बैंकिङ कारोबार गर्न सक्ने क्षमता बढाउनुका साथै मुनाफाको बृद्धिदरमा पनि ठुलो सहयोग पुर्याउनेछ ।

नविल बैंक नेपालका प्रमुख बैंकहरूमध्ये एक हो । निजी क्षेत्रको पहिलो बैंकको ताज पाएको नविलले नेपालको बैंकिङ क्षेत्रलाई तिव्र प्रतिस्पर्धी बनाउनुमा बैंकको ठुलो योगदान रहेको छ । बैंकले विभिन्न बैंकिङ्ग सेवाहरू, ग्राहक सन्तुष्टि र प्रविधिको उत्कृष्ट प्रयोगका कारण राम्रो प्रतिष्ठा कमाएको छ ।

विगत ४० वर्षको सफल इतिहास, अनुभवले भविष्यका चुनौती र अवसरलाई आत्मसाथ गर्न सक्ने नेतृत्व निर्माण गरिसकेकाले आगामी दिनमा अझ ठुलो फड्को मार्ने निश्चित छ । 

नविल बैंकले आधुनिक बैंकिङ्ग सेवाहरू, डिजिटल बैंकिङ्ग, अनलाइन बैंकिङ्ग, मोबाइल बैंकिङ्ग लगायतका सुविधाहरू उपलब्ध गराउँदै आएको छ । ग्राहक सन्तुष्टिमा उच्च ध्यान दिने नविल बैंकले उत्कृष्ट ग्राहक सेवा प्रदान गर्दै आइरहेको छ । यसका लागि विभिन्न ग्राहक सहायता कार्यक्रमहरू सञ्चालन गर्दै आएको छ । हालसम्म बैंकले शेयरधनीलाई दिएको लाभाश हेर्दा दोस्रो बजारमा सूचिकृत कम्पनीहरु मध्ये सर्वाधिक धेरै हो ।

बैंकले विभिन्न सामाजिक उत्तरदायित्व कार्यक्रमहरू सञ्चालन गर्दै आएको छ। शिक्षा, स्वास्थ्य, वातावरण संरक्षण जस्ता क्षेत्रमा यसले महत्वपूर्ण योगदान पुर्याएको छ। बैंकको आर्थिक प्रदर्शन स्थिर रहेको छ, र यसले राम्रो वित्तीय परिणामहरू हासिल गर्दै आएको छ। यसले लगानीकर्ताहरूको विश्वास जित्न सफल भएको छ। नविल बैंकले विभिन्न राष्ट्रिय र अन्तर्राष्ट्रिय पुरस्कारहरू जितेको छ, जसले यसलाई उत्कृष्टता प्रमाणित गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?