![$adHeader[0]['title']](https://bfisnews.com/images/bigyapan/1759825227_1100x100.gif)
माइक्रोफाइनान्सको मर्जरको नीतिलाई निरन्तरता, पूँजी बृद्धि योजना आएन लाभांश वितरणमा खुल्ला
- BFIS News
- 2024 Jul 26 13:03
काठमाडौं । नेपाल राष्ट्र बैंकले यस पटक पनि माइक्रोफाइनान्सको मर्जरको नीतिलाई निरन्तरता दिएको छ । गभर्नर महाप्रसाद अधिकारीले आज सार्वजनिक गरेको चालु आर्थिक वर्षको मौद्रिक नीतिमा पनि 'लघुवित्त वित्तीय संस्थाहरु तथा तीनका शाखाहरु बीचको मर्जर तथा प्राप्तिलाई प्रोत्साहित गरिनेछ ।' भनिएको छ ।
लघुवित्त वित्तीय संस्थाको सेवासम्बन्धमा रहेका गुनासाको सम्बोधन गर्दै ग्राहक हित संरक्षण गर्न अन्तर्राष्ट्रिय असल अभ्यास समेतका आधारमा ग्राहक हित संरक्षणलाई प्राथमिकतामा राखी आवश्यक नियामकीय व्यवस्था गरिने मौद्रिक नीतिमा उल्लेख छ ।
लघुवित वित्तीय संस्थाहरुले कर्जामा लिने ब्याजदर तथा सेवा शुल्कसम्बन्धी नियामकीय व्यवस्थामा समसामयिक पुनरावलोकन गरिने भएको छ । परिस्थितिवश ऋण तिर्न नसकेका लघुवित्तका ग्राहकलाई निश्चित प्रतिशत ब्याज भुक्तानी गरी कर्जा पुनर्तालिकीकरण गर्न सक्ने व्यवस्था गरिने भएको छ ।
कुनै निश्चित प्रदेश वा क्षेत्रमा आफ्नो कार्यक्षेत्र सीमित राखी कार्य गर्ने लघुवित्त वित्तीय संस्थालाई प्रोत्साहन गर्न थप व्यवस्था मिलाइने भएको छ ।
नेपाल राष्ट्र बैंकबाट इजाजतपत्रप्राप्त सम्पूर्ण लघुवित्त वित्तीय संस्थाहरुमा एनएफआरए लागु गर्न आवश्यक व्यवस्था गरिने मौद्रिक नीतिमा उल्लेख छ । राष्ट्र बैंकले अझै पनि लघुवित्त वित्तीय संस्थाको पूँजी बृद्धि योजनालाई यथावत राखेको छ । तर लघुवित्तलाई लाभांश वितरण गर्न लगाएको रोकका विषयमा भने केहि पनि खुलाइएको छैन । यसले गर्दा लघुवित्तले यस पटक कोषले भ्याएसम्मको लाभांश दिन सक्ने अवस्था आउन सक्छ । यद्दयमी मौद्रिक नीति पछि आउने निर्देशन तथा निर्देशिकाले थप स्पष्ट पार्नेछ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया