सिद्धार्थ क्यापिटलले बोलायो साधारण सभा, २५ प्रतिशत लाभांश वितरण प्रस्ताव पारित गरिने

काठमाडौं । सिद्धार्थ क्यापिटलले वार्षिक साधारण सभा आह्वान गरेको छ। कम्पनीको सञ्चालक समितिको १८० औं बैठकले १३ औं साधारण सभा असोज १८ गतेका लागि बोलाएको हो। सभा काठमाडौंको नारायणचौर नक्सालमा रहेको सिद्धार्थ क्यापिटलको कार्यालयमा दिउँसो साढे ३ बजेदेखि सुरु हुनेछ।

सभामा कम्पनीको आर्थिक वर्ष २०८०/०८१ सम्मको सञ्चित मुनाफाबाट सेयरधनीहरुलाई हाल कायम चुक्तापूँजीको २५ प्रतिशत करसहित नगद लाभांश प्रदान गर्न सञ्चालक समितिले गरेको प्रस्ताव पारित गरिनेछ।  

यस्तै सञ्चालक समितिको तर्फबाट प्रस्तुत आव २०८०/८१ को वार्षिक प्रतिबेदनमाथि छलफल गरी पारित गर्ने आव २०८०/८१ को लेखापरिक्षणको प्रतिवेदन सहित २०८१ असार मसान्तको वासलात, वार्षिक नाफा नोक्सान हिसाब, नगद प्रवाह विवरण लगायतका विवरणहरु माथि छलफल गरी पारित गर्ने र आव २०८१/८२ को लागि लेखापरिक्षण समितिले सिफारिश गरे बमोजिम लेखापरिक्षकको नियुक्ति गर्ने र निजको पारिश्रमिक निर्धारण गर्ने प्रस्ताव समेत पारित हुनेछ ।  

सभामा आर्थिक वर्ष २०८०/८१ मा कम्पनीको संस्थागत सामाजिक उत्तरदायित्व अन्तर्गत खर्च गरिएको रकम पारित गर्ने र सञ्चालकहरुको भत्ता वृद्धि गर्ने प्रस्ताव समेत अनुमोदन हुनेछ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन