‘सि–चेक’ का लागि इटाली गएको दुई महिनापछि नेपाल फर्कियो निगमको वाइडवडी, अर्को उतै

काठमाडौं । सम्पूर्ण मर्मत ‘सि–चेक’ का लागि इटाली पठाइएको नेपाल वायुसेवा निगमको वाइडबडी ३३० जहाज दुई महिनापछि नेपाल फर्किएको छ ।

निगमको वाइडबडी जहाज '9N- ALY (अन्नपूर्ण)' नियमित सी-चेक मर्मतपश्चात् आज बिहान काठमाडौं अवतरण गरेको हो।

विमान फर्किएसँगै निगमले लामो दुरीको जापान र अन्य अन्तर्राष्ट्रिय उडानमा जहाजले सेवा दिने जनाउँदै यात्रुलाई थप सुविधा पुग्ने विश्वास लिएको छ।

नेवानि व्यवस्थापनले वाइडबडीको सि–चेकको जिम्मेवारी इटालीको एटिटेक एसपिए कम्पनीलाई दिएको छ। सम्झौताबमोजिम नेवानिले ३० दिनमा सि–चेक गरेर नियमित उडानमा फर्काउने भन्दै जहाज ८ असार (२२ जुन) मा दुबई हुँदै इटाली पुर्‍याएको थियो।

कलसाइन ‘९ एन–एएलवाई’ वाइडबडी जहाज सि–चेकका क्रममा पुनः इन्जिनमा समस्या देखिएपछि ढिलाइ हुन पुगेको नेवानिले जनाएको थियो।

नेवानिको अर्को वाइडबडी ९ एन–एएलजेड पनि सि–चेकका लागि इटालीमै छ। १२ भदौमा इटाली पठाइएको दोस्रो वाइडबडी नेपाल फर्किन अझै महिनादिन लाग्ने बताइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन