एक कित्ताकै ५० हजार पर्ने युनिलिभर नेपालले घोषणा गर्यो अहिलेसम्मकै सर्वाधिक लाभांश, १७१४ प्रतिशत नगद दिने

काठमाडौं । दोस्रो बजारको सबैभन्दा महंगो कम्पनी युनिलिभरले अहिलेसम्मकै सर्वाधिक धेरै लाभांश घोषणा गरेको छ । कम्पनीले गत आर्थिक वर्षको मुनाफाबाट १७१४ प्रतिशत नगद लाभांश वितरण गर्ने भएको हो । 

दोस्रो बजारमा कम्पनीको शेयर मूल्य प्रति कित्ता ५० हजार रुपैयाँ भन्दा माथि छ । चुक्ता पूँजी ९ करोड २० लाख ७० हजार रुपैयाँ मात्रै छ । पूँजी एकदमै थोरै र प्रतिफल एकदमै आकर्षक भएकै कारण कम्पनीको शेयर मूल्य सधै सर्वाधिक रहदै आएको छ । 

कम्पनीले लाभांश प्रयोजनार्थ असोज २८ गतेदेखि कात्तिक १२ गतेसम्म बुक क्लोज गर्ने भएको छ । तसर्थ, असोज २७ गतेसम्म कायम रहने सेयरधनीले मात्र साधारण सभामा सहभागी हुन र लाभांश हात पार्न सक्नेछन् । आर्थिक वर्ष २०७९-८० मा यसले कर सहित प्रतिकित्ता १५ सय ८० रुपैयाँ नगद लाभांश वितरण गरेको थियो । कम्पनीले कार्तिक दोस्रो सातामा वार्षिक साधारणसभा गर्ने तयारी गरेको छ । साधारणसभाले लाभांश पारित गरेपछि मात्रै शेयरधनीले पाउने छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन