एलआइसी नेपालको मुनाफा ३५.४५ प्रतिशतले बढ्यो, जीवन बीमा कोषमा एक खर्ब २४ अर्ब नाघ्यो

काठमाडौं । एलआईसी नेपालले चालु आर्थिक वर्षको पहिलो त्रैमाशिक अवधिमा ३५.४५ प्रतिशतले मुनाफामा बृद्धि गरेको छ । कम्पनीले असोज मसान्तसम्ममा ७ करोड ८८ लाख रुपैयाँ मुनाफा आर्जन गरेको छ । गत वर्षको यहि अवधिमा ५ करोड ८१ लाख रुपैयाँ थियो । 

कम्पनीको कुल बीमा शुल्क आर्जनमा पनि सामान्य बृद्धि भएको छ । गत आवको सोही अवधिमा चार अर्ब ५१ करोड रुपैयाँ कुल बीमा शुल्क आर्जन गरेको कम्पनीले यस आवमा १.४० प्रतिशतले बृद्धि गरेर चार अर्ब ५७ करोड रुपैयाँ कुल बीमा शुल्क आर्जन गरेको छ । समीक्षा अवधिमा एलआइसी नेपालको प्रतिशेयर आम्दानी ८ रुपैयाँ ७७ पैसाबाट बढेर ११ रुपैयाँ ८८ पैसा पुगेको छ ।

कम्पनीको जीवन बीमा कोष ३.१९ प्रतिशतले बढेर एक खर्ब २४ अर्ब रुपैयाँ पुगेको छ । गत वर्षको यहि अवधिमा कम्पनीको जीवन बीमा कोष एक खर्ब २० अर्बको थियो ।  

हकप्रद निष्काशनको मिति तय गरिसकेको एलआइसी नेपालको हालको चुक्ता पूँजी दुई अर्ब ६५ करोड रुपैयाा रहेको छ । कम्पनीको जगेडा कोषमा २ अर्ब ७७ करोड रुपैयाँ रहेको छ । 

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना