कलंगा र सनिगढ हाइड्रोलाई आइपीओ ल्याउन धितोपत्र बोर्डको स्वीकृति

काठमाडौं। नेपाल धितोपत्र बोर्डले मंगलबार दुई वटा हाइड्रोपावर कम्पनीलाई प्राथमिक शेयर (आइपीओ) निष्काशन गर्न अनुमति दिएको छ। बोर्डले कलंगा हाइड्रो लिमिटेड र सनिगढ हाइड्रो लिमिटेडलाई आइपीओ निष्काशनको स्वीकृति प्रदान गरेको हो।

स्वीकृति अनुसार कलंगा हाइड्रो लिमिटेडले ४९ लाख कित्ता साधारण शेयर निष्काशन गर्नेछ, जुन कम्पनीको कुल जारी पुँजीको ३५ प्रतिशत हो। कम्पनीको शेयर निष्काशन तथा बिक्री प्रबन्धकको जिम्मेवारी सानिमा क्यापिटलले पाएको छ।

त्यसैगरी सनिगढ हाइड्रो लिमिटेडले ८५ लाख ५० हजार कित्ता साधारण शेयर निष्काशन गर्ने अनुमति पाएको छ। यो कम्पनीको कुल जारी पुँजीको ३० प्रतिशत हुन आउँछ। कम्पनीको शेयर निष्काशन तथा बिक्री प्रबन्धकका रूपमा लक्ष्मी सनराइज क्यापिटल रहेको छ।

बोर्डबाट स्वीकृति पाएसँगै दुवै कम्पनीले आवश्यक प्रक्रिया पूरा गरी सर्वसाधारणका लागि आइपीओ निष्काशन गर्ने तयारी अघि बढाउने अपेक्षा गरिएको छ।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?