![$adHeader[0]['title']](https://bfisnews.com/images/bigyapan/1726498142_960x100.gif)
बरुण हाइड्रोलाई शतप्रतिशत हकप्रद निष्काशन गर्न आयोगको स्वीकृति
- BFIS News
- 2023 Aug Sun 17:15
काठमाडौं । विद्युत नियमन आयोगले बरुण हाइड्रोपावर कम्पनीलाई सत प्रतिशत हकप्रद शेयर निष्काशनका लागि अनुमति दिएको छ ।
बरुण हाइड्रोपावर कम्पनी लिमिटेडले १ः१ को अनुपातमा हकप्रद सेयर निष्काशन गर्ने निर्णय गरी स्वीकृतिका लागि आयोगमा पेश गरेको थियो । आयोगले स्वीकृति दिएसँगै अब कम्पनीले धितोपत्र बोर्डतर्फको प्रकृया अघि बढाउनेछ ।
२०८० असार १२ गते बसेको कम्पनी सञ्चालक समितिको बैठकले १ः१ को अनुपातमा हकप्रद सेयर निष्कासन गर्ने निर्णय गरेको थियो ।
कम्पनीले यस अघि २०७५ जेठ २२ गते १ः१ को अनुपातमा हकप्रद निष्कासन गर्ने निर्णय गर्दै नेपाल धितोपत्र बोर्डमा निवेदन पेश गरेको थियो । तर विद्युत नियमन आयोगले कम्पनीलाई हकप्रद सेयर जारी गर्न अनुमति नदिएपछि बोर्डले कम्पनीको निवेदन खारेज गरिदिएको थियो ।
कम्पनीले १ः१ अनुपातमा हकप्रद सेयर निष्कासनका लागि आरबीबी मर्चेन्ट बैंकिङ्ग लिमिटेडलाई बिक्री प्रबन्धक समेत नियुक्त गरिसकेको छ ।
कम्पनीले २०८० असार २७ गते विशेष साधारण सभाबाट शतप्रतिशत हकप्रद सेयर निष्कासन गर्ने प्रस्ताव पारित गरेको थियो ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया